comarca
Salnés

Segue @obloque

Outro exemplo da pésima xestión do PSOE da Illa de Arousa

Campo de futbol da Bouza

A Illa de Arousa, 1 decembro 08. O PSOE de a Illa volve a dar mostras da sua ineficacia e incapacidade de xestión, perdendo unha subvención da Consellería de Industria e Innovación, gobernada polo BNG, de 47.200 € ( case o 46% do presuposto total da obra ) para levar a electricidade ata o Campo de fútbol da Bouza. Foi a propia Delegada Provincial, Montserrat Prado quen apostou persoalmente por este investimento, pero a cambio, o PSOE deixou pasar o tempo ata quedar fóra do prazo que tiña para rematar e xustificar a obra.

A incapacidade do PSOE ten como consecuencia directa que o Céltiga teña que afrontar un enorme gasto no aluguer dun xerador eléctrico e no combustible para poñelo en marcha, sobre todo agora que no inverno as horas de luz natural son moi escasas. É evidente que ao Grupo de Goberno do PSOE e a Manuel Vázquez non lle importa o mais mínimo o Céltiga nin os mais de 150 nenos e nenas que están inscritos neste clube.

Supoño que o PSOE ou o seu Concelleiro Isidro García dirán que mentimos todos, que isto é demagoxia barata ( eles mércana de importación), ou que a subvención se perdeu por culpa do BNG, por non xestionar este Concello no seu lugar; pero o certo é que o PSOE sólo sabe despilfarrar cartos ( incluso millóns de euros ) en obras para a foto, de cara á galería, co único fin de recaudar votos, olvidándose das necesidades dos veciños e das veciñas da Illa, tal como neste caso.

---