Novas BNG Concello Pontedeume

“A Estrela na alba, o pensamento político de Castelao”

Thu, 10 May 2012 15:38:51 GMT

Pontedeume 10 de maio. Este venres 11 de maio ás 20h na Casa da Cultura de Pontedeume, o BNG da localidade organiza a presentación do audiovisual “Estrela na alba, o pensamento político de Castelao” (vídeo editado polo BNG para conmemorar o 125 aniversario do nacemento do pai do nacionalismo galego) da má de Manuel Rei Romeu, recoñecido estudoso do autor e da súa obra, que agasallará ós presentes cun exemplar do libriño “Volver a Castelao” editado pola Asociación de Escritores en Lingua Galega con motivo desta efeméride.

O PP votou en contra dunha proposta do BNG para o desenvolvemento dun plano de arborado a nivel municipal.

Tue, 08 May 2012 07:46:06 GMT

Pontedeume 7 de maio 2012. O 24 de febreiro presentamos infrutuosamente unha proposta por escrito con entrada por rexistro para celebrar o Día da Árbore 2012 en Pontedeume e unha pregunta no pleno ordinario do 2 de abril con respostas insatisfactorias debido á pouca sensibilidade do PP no capitulo medioambiental. Ver proposta.

PP-PSOE de Pontedeume acordan unha Declaración Institucional sobre o Sector Naval rebaixando compromisos respeito ao acordado por unanimidade no Parlamento Galego.

Tue, 08 May 2012 07:45:26 GMT

Pontedeume 29 abril 2012. O BNG de Pontedeume crítica a rebaixa sustancial feita na declaración institucional sobre a situación do sector naval acordada por PP-PSOE no Concello de Pontedeume, con respeito aos acordos acadados no Parlamento Galego polas tres forzas con representación PP-PSOE-BNG.

O BNG de Pontedeume denuncia a falla de medios da Xunta de Galiza na loita contra o lume no incendio forestal que está a asolar as Fragas do Eume.

Tue, 08 May 2012 07:17:26 GMT

Pontedeume 1 de abril de 2012. O BNG de Pontedeume quere denunciar a responsabilidade do PP e do Sr Feijo na catástrofe ecolóxica de maior gravidade dende a acontecida co gallo do afundimento do Prestige hai agora 10 anos.

O BNG de Pontedeume contra a reforma laboral do PP, na rúa mobilizándose co sindicato nacionalista e na institución municipal presentando unha moción.

Wed, 14 Mar 2012 13:34:15 GMT

Pontedeume 14 de marzo 2012. O BNG de Pontedeume presentou unha moción no concello en contra da reforma laboral aprobada polo PP e que supón unha nova agresión aos intereses das maiorías sociais do noso pobo, co único obxetivo de favorecer a unha minoría oligopolizada. Ver moción.

Apoiamos á Iniciativa Lexislativa Popular contra os recortes e a privatización da sanidade pública en Galiza.

Wed, 22 Feb 2012 08:48:18 GMT

O BNG de Pontedeume ven de presentar unha moción en apoio Á Plataforma SOS Sanidade Pública que está a promover unha Iniciativa Lexislativa Popular (ILP), coa finalidade de deter a política de recortes e privatizacións da Sanidade Pública impulsada polo actual Goberno Galego e co fin de garantir o dereito constitucional á protección da saúde dos galegos e galegas.

SOLICITAMOS QUE SE DECLARE O 24 DE FEBREIRO DÍA DE ROSALÍA DE CASTRO

Wed, 22 Feb 2012 08:47:42 GMT

Rosalía de Castro é a escritora máis representativa da lingua e da literatura galegas. A publicación do seu libro Cantares Gallegos, o primeiro escrito integramente no noso idioma, desde a vontade firme e inequívoca do seu significado, sinala o inicio da restauración do uso escrito do noso idioma e o final de séculos de silencio e esquecemento.

O BNG denuncia o peche da oficina bancaria da antiga Caixanova

Wed, 22 Feb 2012 08:46:53 GMT

Os efectos da liquidación do sector financieiro galego ideado por PP-PSOE, xa se fan notar en Pontedeume.

O BNG de Pontedeume denuncia a supresión de gardas nocturnas de farmacia e presenta unha moción contra esta medida.

Mon, 23 Jan 2012 20:09:23 GMT

Cos únicos votos do Partido Popular, o Parlamento galego aprobou a Lei de Acompañamento dos Orzamentos da Xunta de Galiza para 2012 cunha modificación da Lei de Ordenación Farmacéutica que permite eliminar as gardas nocturnas das oficinas de farmacia en determinadas circunstancias.

Moción do Grupo Municipal do BNG de Pontedeume contra a suba do imposto de bens inmobles (IBI ).

Tue, 17 Jan 2012 13:31:44 GMT

Diante desta grave medida que obriga a un incremento impositivo que prexudicará á cidadanía, cun grave impacto nas economías domésticas e que invade as competencias municipais, correspóndelle ao Goberno galego actuar para preservar a autonomía dos concellos galegos, e non optar polo silencio cómplice diante da inxusta imposición do Goberno Central.

O Grupo Municipal do Bloque Nacionalista Galego no Concello de Pontedeume presenta unha moción contra a orde da Consellería de Sanidade que regula a asistencia sanitaria a persoas desempregadas e ás sen recursos.

Tue, 03 Jan 2012 20:08:09 GMT

O día 9 de setembro de 2011 a Consellaría de Sanidade da Xunta de Galiza publicou no Diario Oficial unha orde na que regula o dereito de acceso á asistencia sanitaria para as persoas sen recursos económicos suficientes e para as persoas desempregadas. Segundo se indica no texto literal reproducido, as persoas afectadas só teñen dereito, previo compromiso de pago, á atención de urxencias e emerxencias, é dicir , perden o dereito á sanidade pública universal

A NOSA POSTURA NO OUTORGAMENTO DE HONRAS E DISTINCIÓNS NO CONCELLO DE PONTEDEUME

Mon, 19 Dec 2011 20:28:14 GMT

Achego esta información para que os eumeses saibades o que ocorreu no Pleno Extraordinario.
Fago referencia ao pleno do 14 de decembro, no que se debatían en tres puntos independentes os expedientes de Honras e Distincións para:

Ramiro Fonte Crespo: Biblioteca Municipal “Ramiro Fonte”.
Abelardo Miguel López Leira: Fillo Predilecto.
Antonio Leira Díaz: Escola de Música “Maestro Leira”

RENUNCIO Á ACTA DE CONCELLEIRO NO CONCELLO DE PONTEDEUME

Fri, 02 Dec 2011 21:43:26 GMT

Publicamente, quero agradecer á miña organización, o BNG, e especialmente a todos os veciños/as que nos apoiaron, a confianza depositada en min e na nosa organización ao longo destes anos: dous mandatos no goberno (1999-2007) e un na oposición (2007-2011).

MOCIÓN DO GRUPO MUNICIPAL DO BNG DE PONTEDEUME SOBRE OS RECORTES DO PLAN CONCERTADO DA XUNTA DE GALIZA

Sun, 27 Nov 2011 21:11:26 GMT

Xusto cando, por efecto da crise económica, maior é a necesidade de recursos e prestacións sociais para atender as persoas que con máis dureza están a sufrir as súas consecuencias, o PP, na Xunta de Galiza, vén de suprimir e recortar as achegas que desenvolven servizos sociais básicos

MOCIÓN DO GRUPO MUNICIPAL DO BNG DE PONTEDEUME POLA CELEBRACIÓN DO 25 DE NOVEMBRO.

Wed, 23 Nov 2011 22:49:20 GMT

A violencia de xénero constitúe unha vulneración dos dereitos fundamentais das mulleres. É a manifestación máis clara e brutal da desigualdade aínda existente entre mulleres e homes na nosa sociedade, poñendo de manifesto que falta moito camiño por andar até rematarmos completamente coa discriminación e subordinación das mulleres e acadarmos unha sociedade igualitaria.

RESUMO DA INTERVENCIÓN DO NOSO PORTAVOZ DO GRUPO MUNICIPAL DO BNG DE PONTEDEUME, MANUEL REI ROMEU, NO MITIN DO PASADO DOMINGO.

Wed, 16 Nov 2011 20:58:50 GMT

Saúdo e transmito os agradecementos, en nome do BNG de Pontedeume, a todos os aquí presentes.

Só unha breve reflexión:
As vindeiras eleicións do 20N prodúcense nun CONTEXTO determinado pola crise, os recortes sociais; o que ten orixinado incerteza e desconfianza cara ás forzas de goberno e cara ás forzas políticas en xeral.

O DOMINGO 13 DE NOVEMBRO O BNG DE PONTEDEUME CELEBROU O MITIN DE CAMPAÑA PARA AS ELECCIÓNS AO CONGRESO E AO SENADO DO ESTADO ESPAÑOL.

Tue, 15 Nov 2011 21:58:28 GMT

Perante un público realmente comprometido cos intereses de Galiza, dado o día e hora á que se celebrou coincidente co clásico do futbol galego, interviñeron no mitin; Manuel Rei Romeu ( Portavoz Municipal do BNG de Pontedeume), Fernando Blanco Parga ( Deputado no Parlamento Nacional ) e Jessica Fernandez Polo ( Candidata nº3 ao Congreso pola Coruña ), que convidaron aos asistentes a mobilizarse e convencer pola forza da razón, a familiares, amigas-os e compañeiras-os de traballo de que o voto útil para as galegas e os galegos é o voto ao BNG.

O GRUPO MUNICIPAL DO BNG DE PONTEDEUME VOTOU NO PLENO EN CONTRA DA SUBA DE TAXAS MUNICIPAIS QUE PRETENDE APLICAR O GOBERNO DO PP.

Mon, 07 Nov 2011 22:05:44 GMT

O goberno municipal do PP pretende subir as taxas da rede de sumidoiros nada menos que un (3,1%), o subministro de auga un (3,1%), a piscina e o ximnasio un (3,1%) e a recollida de lixo un (4,3%).

MOCIÓN DO GRUPO MUNICIPAL DO BNG DE PONTEDEUME SOBRE O FUTURO DO SECTOR NAVAL

Sun, 16 Oct 2011 20:16:46 GMT

É público que os estaleiros da Ria de Ferrol tan só contan con carga de traballo ata o ano 2012, pasando a ser os que menos carga de traballo teñen dentro do grupo Navantia; mentras que a factoría de Cadiz ten asegurada a súa actividade ata o ano 2015, a igual que o centro de Cartagena.

O BNG Denuncia incorreccións na rotulación da toponimia municipal

Fri, 07 Oct 2011 08:18:13 GMT

O Grupo municipal do BNG no Concello de Pontedeume pon de manifesto, unha vez máis, a escasa sensibilidade do goberno local cara o galego que, en moitos casos, se converte en discriminación evidente e eliminación