Novas BNG Concello Ourense

A presión social pode facer posíbel a creación dunha Banca Pública Galega

Wed, 16 May 2012 15:30:07 GMT

Ourense, 16 de maio de 2012.- O Portavoz Nacional do BNG, Guillerme Vázquez, reuníuse esta mañá con representantes sindicais, empresariais e asociacións para explicarlles a proposta nacionalista sobre a creación dunha Banca Pública Galega. Na presentación do acto, a tenente de alcalde de Ourense, Isabel Pérez, manifestou que o BNG está a levar a cabo unha campaña por todo o País na que se están presentando as propostas e alternativas que se deberían adoptar para saír da crise, entre elas, a creación dunha Banca Pública.

A Concellaría de Vivenda traballa xa na nova convocatoria de axudas á Rehabilitación de inmobles no Casco Vello, Seixalbo e Camelias, Carballeira e Polvorín

Tue, 15 May 2012 08:24:37 GMT

Santiago, 14 de maio de 2012.- O Concelleiro de Vivenda, Fernando Varela, desplazouse este luns á Santiago de Compostela para asistir ao acto de sinatura dos acordos trilaterais polos cales se definen os investimentos en axudas á rehabilitación dos que desfrutará Ourense nos vindeiros anos. En virtude dos obxectivos plantexados no Plan Estatal de Vivenda 2009-2012 e as Áreas de Rehabilitación Integral que a Concellaría ten recoñecidas no termo municipal, o Concello, a Xunta de Galicia e o Ministerio de Fomento acordaron está maña destinar máis de 2,36 millóns de euros para o fomento da rehabilitación en Ourense. Os investimentos, que faránse efectivos a través dun acordo plurianual até 2016, comprenden 1.423.750€ para o ARI Camelias, Carballeira e Polvorín (en 2º fase de execución), 193.229€ para o núcleo de Seixalbo (en 8ª fase de execución) e 743.200€ para o Casco Histórico, xa na súa 13ª fase de execución.

Vivenda adica o III Encontro Técnico de Rehabilitación ás novas tendencias en bioconstrución

Tue, 08 May 2012 09:57:45 GMT

Ourense, 7 de maio de 2012.- A Concellaría de Vivenda continua este mércores día 9 coa serie de Encontros Técnicos de Rehabilitación que está a organizar como punto de encontro e intercambio de coñecementos entre axentes públicos e privados do sector, e que veñen reinvindicar e impulsar unha práctica, a rehabilitación, que se perfila como unha óptima solución para a dinamización urbana no actual contexto de crise.

O BNG denuncia que os datos de desemprego constatan o fracaso das políticas de Feijóo

Mon, 30 Apr 2012 14:50:21 GMT

Ourense, 30 de abril de 2012.- A responsábel local, Susana García comentou que desde que o Partido Popular asumiu o Goberno da Xunta pasamos na provincia dun 8,2% de desemprego ao 20% actual. Para Ourense, estes datos son demoledores, a segunda peor taxa de Galiza nunha escalada de destrución do emprego que segue en caída libre ao igual que o número de afiliados a Seguridade Social.

O BNG responde ás acusacións do Partido Popular sobre a investigación da Deputación Provincial

Thu, 26 Apr 2012 17:05:35 GMT

Ourense, 27 de abril de 2012.- As declaracións do Presidente da deputación son, ademáis de tendenciosas e malintencionadas, impropias de quen ostenta a condición de máximo representante da Institución Provincial, ao tempo que reflicten un estado de nervosismo evidente, porque as acusacións ás que se enfrenta a deputación poden acabar derivando na devolución dunha importante cantidade de diñeiro e colateralmente poderían determinar tamén, responsabilidades de outro tipo, das persoas que tiveron que ver na xestión de este
programa. Lamentamos que o Sr.Baltar confunda ao posible deterioro da súa imaxe persoal coa imaxe da nosa Provincia e agardamos que, neste caso alomenos, estea a altura da Institución que preside".

Acto Aberto sobre as Participacións Preferentes

Thu, 26 Apr 2012 09:23:49 GMT

Ourense, 26 de abril de 2012.- Hoxe Xoves ás 20:15 horas acto sobre as PARTICIPACIÓNS PREFERENTES na Sala Vermella do Auditorio Municipal. Neste acto intervirán Fernando Varela, concelleiro do BNG en Ourense e Henrique Viéitez, deputado no Parlamento Galego.

O BNG presentou en Rolda de Prensa o Acto Público sobre as Participacións Preferentes

Thu, 26 Apr 2012 09:19:06 GMT

Ourense, 26 de abril de 2012.- Susana García, Responsable Local do BNG, e Fernando Varela, concelleiro do BNG en Ourense, presentaron en Rolda de Prensa o Acto Público que terá lugar mañá, xoves, ás 20:15, na Sala Vermella do Auditorio Municipal de Ourense. Acto Público convocado polo BNG para informar sobre a estafa das Participacións Preferentes, intervirá o propio Fernando Varela, que defendeu no último pleno unha moción sobre as preferentes e que foi aprobada, e Henrique Viéitez, deputado do BNG no Parlamento Galego, coñecedor deste problema e que xa se ten reunido con representantes das plataformas
de afectados que se constituíron noutras zonas de Galiza.

Cultura presenta unha completa axenda cultural que completa a festa dos Maios, recuperada como data festiva na cidade e celebración clave do ciclo festivo anual

Thu, 26 Apr 2012 09:13:12 GMT

Ourense, 26 de abril de 2012.- O evento marca o arranque dun mes con actividades “para todos os gustos” nos que se comproba como este goberno local “aposta por manter ese Ourense como cidade de cultura que continua a ser, a Atenas da Galiza”. Así o lembraba na presentación a Tenente Alcalde e Concelleira de Cultura, Isabel Pérez, encargada de presentar a programación para estes días.

A Concellaría de Xuventude continua apoiando as actividades dos axentes dinamizadores da mocidade na cidade

Fri, 20 Apr 2012 15:58:18 GMT

Ourense, 20 de abril de 2012.- Coincindo coa celebracicón do San Xurxo, patrón dos scouts, máis de 250 rapaces e rapazas de colectivos de toda a provincia reúnense esta fin de semana en Ourense para disfrutar dun amplo programa de actividades. Como ven sendo habitual, a Concellaría de Xuventude apoia e colabora co Grupo Scout Axóxere (San Pío X, Mariñamansa) na organización desta iniciativa, da que o colectivo ourensán é anfitrión por mor da celebración do seu X aniversario.

A Concellería de Turismo aposta pola gastronomía como axente dinamizador do sector hostaleiro da cidade ao tempo que reivindica o valor da gastronomía como atractivo turístico da cidade

Fri, 20 Apr 2012 15:49:25 GMT

Ourense, 19 de abril de 2012.- A Tenente Alcalde e Concelleira de Turismo, Isabel Pérez, foi a encargada de desvelar todos os detalles desta nova edición de Sabores de Ourense- Primavera unha iniciativa que crece e se consolida como unha cita imprescindíbel no calendario gastronómico ourensán e que bate récords de participación con 38 establecementos inscritos.

Representantes das cidades do Eixo Atlántico dánse cita en Ourense

Thu, 19 Apr 2012 10:00:20 GMT

Ourense, 18 de abril de 2012.- As instalacións do Centro Cívico da Ponte acolleron esta mañá a xuntanza da Comisión Delegada de Deportes do Eixo Atlántico encargada de escoller a cidade na que se celebrará a décima edición dos Xogos do Eixo Atlántico de 2013. Representantes das 34 cidades que integran este ente transfronteirizos foron recibidos polas autoridades locais da cidade, nun acto no que participaron, ademáis do Alcalde Francisco Rodríguez, a Tenente Alcalde Isabel Pérez e o Concelleiro de Deportes, Fernando Varela, quen tamén se sumou ao grupo de traballo. A comisión reunida en Ourense acordou nomear á vila portuguesa de Guimarães como anfitriona do encontro deportivo que busca tender lazos entre Galiza e Portugal.

A MITEU amosa a súa faciana máis solidaria coa Gala Festiclown Palestina

Tue, 17 Apr 2012 10:55:20 GMT

Ourense, 14 de abril de 2012.- Do 13 ao 28 de abril Ourense volve convertirse na capital do teatro da man dunha nova edición da MITEU, a mostra escénica universitaria que cumpre xa 17 anos. Un dos pratos fortes desta nova edición, que conta unha vez máis co apoio destacado da Concellaría de Cultura, será a Gala Festiclown Palestina. O espectáculo conmemora o proxecto que Pallasos en Rebeldía desenvolveu en 2011 en territorio palestino, levando o humor e a risa a máis de 10.000 persoas e contará coa presenza de dous dos mellores clowns internacionais hoxe, Leo Bassi e Johnny Melville.

Inaugurada no Paseo a exposición No país das vacas, que busca pór en valor o seu papel como referente de desenvolvemento no rural

Tue, 17 Apr 2012 10:48:50 GMT

Ourense, 12 de abril de 2012.- A concelleira de Cultura e Turismo, Isabel Pérez, e o fotógrafo Xurxo Lobato, inauguraron a exposición O país das vacas. A obra busca ser un tributo visual á vaca, explicar como vive, de que vive e quen vive dela, e pór en valor o sector gandeiro galego.

A Concellaría de Vivenda celebra o seu II Encontro Técnico de Rehabilitación Urbana

Tue, 17 Apr 2012 10:41:11 GMT

Ourense, 11 de abril de 2012.- O Auditorio Municipal de Ourense acollía este 11 de abril a xa segunda edición do Encontro Técnico de Rehabilitación Urbana, unha iniciativa da Concellaría de Vivenda que pretende achegar propostas e intercambiar coñecementos entre axentes públicos e privados implicados nesta actividade. O encontro, avalado xa polo boa acollida que recibiu a súa primeira edición, xirou sobre as diferentes propostas e experiencia no uso da madeira; recuperación de elementos e novas aplicacións.

A concellaría de Vivenda presenta o II Encontro Técnico de Rehabilitación Urbana

Mon, 09 Apr 2012 21:02:52 GMT

Ourense, 9 de abril de 2012.- O concelleiro de Vivenda e Rehabilitación Urbana, Fernando Varela, presentou esta mañá o II Encontro Técnico de Rehabilitación Urbana. Xunto ao concelleiro, estivo tamén o Xefe do servizo do PERI, Jose Manuel Oliver. Este segundo encontro, será o vindeiro mércores 11 de abril entre ás 11.00 h e as 14.00 h na Sala Azul do Audiorio Municial.

O Concello de Ourense e o Colexio de Avogados crean unha oficina de asesoramento a persoas con dificultades para facer fronte ás hipotecas

Mon, 09 Apr 2012 21:07:06 GMT

Ourense, 9 de abril de 2012.- O concelleiro de Vivenda e Rehabilitación Urbana, Fernando Varela, asistiu á presentación desta iniciativa que dende fai tempo ven demandando o BNG no Congreso.

O BNG considera que os primeiros orzamentos de Rajoy condenan a Ourense ao desemprego e ao empobrecemento

Wed, 04 Apr 2012 15:17:04 GMT

Ourense, 4 de arbil de 2012.- O Bloque Nacionalista Galego valora estes orzamentos do Estado como unha estafa para Ourense, en primeiro lugar porque utilizan un artificio orzamentario para facernos crer que haberá un avance substancial na chegada do AVE cando en realidade o propio orzamento reflicte que ADIF non ten capacidade para captar nin executar os máis de 700 millóns de investimento neste ámbito, “trátase pois dunha ficción ou máis ben dun engano masivo” en palabras da tenente de alcalde de Ourense e portavoz municipal do BNG, Isabel Pérez.

O Grupo Municipal do BNG critica a actitude “provocadora e irresponsable” do voceiro do PP Rosendo Fernández ao acceder a unhas instalacións municipais pechadas sen autorización de ningún tipo

Wed, 04 Apr 2012 14:56:29 GMT

Ourense, 4 de abril de 2012.- Desde o Grupo Municipal do BNG laméntase o “desafortunado exemplo” que deu onte o principal grupo da oposición local, ao “colarse nunhas instalacións municipais aínda non abertas á cidadanía” nunha actitude impropia de responsables políticos que mesmo “incita ao vandalismo”. Especialmente, cando a concellaría de Medio Ambiente sempre ten amosado a súa total dispoñibilidade a facilitar calquer información solicitada sobre Montealegre ou calquer outro tema relacionado ca área.

O BNG rexistrou unha moción relativa á protección das persoas afectadas pola colocación masiva de participacións preferentes para o seu debate no pleno de Abril

Wed, 04 Apr 2012 14:37:48 GMT

Ourense, 4 de abril de 2012.- O BNG apresenta unha mocion sobre este producto financieiro no que teñen retido o seu diñeiro multitude de galegos entre os que se atopan tamen veciñas e veciños de Ourense. Do mesmo xeito o BNG esta a disposición da cidadanía para trasladar esta problemática ás institucións para reclamar unha solución inmediata, contacto: ourense@bng-galiza.org

Isabel Pérez amosou a súa satisfación por colaborar nun proxecto que servirá para promocionar turisticamente a nosa cidade e tamén para levar a cabo un importante proxecto social

Wed, 04 Apr 2012 14:17:01 GMT

Ourense,3 de abril de 2012.- A campaña 'Kilómetros de Ilusión' permitirá achegar fondos para a compra dun vehículo adaptado a persoas dependentes. A iniciativa foi posta en marcha conxuntamente por Turismo de Ourense, a Escudería GG Classic Club e Aixiña.