Novas

  

O BNG chama á mobilización fronte a desfeita do PP

Ourense, 19 de xullo de 2012.- Nunha comparecencia pública, o grupo municipal do BNG de Ourense, chamou a mobilización e á insumisión da cidadanía ante os recortes laborais e sociais e as medidas económicas que vai aplicar o goberno do Partido Popular. [+]


Moción do BNG para que a Igrexa pague o IBI

Ourense, 10 de xullo de 2012.- O BNG vén de rexistar no Concello unha moción relativa á revisión do acordo de exención do pagamento do Imposto sobre Bens Inmóbeis, IBI, por parte da Igrexa Católica, moción que será debatida no Pleno do mes de agosto. [+]


O BNG rexistra no concello unha moción a favor da banca pública galega e dun referendo ante un rescate que significa un 'roubo ao povo'

Ourense, 7 de xullo de 2012.- O BNG vén de rexistar no Concello unha moción a favor da constitución dunha Banca Pública Galega e para que se convoque de inmediato un referendo que permita á cidadanía pronunciarse ante un rescate ao Estado español que significa un “roubo ao pobo”.  A portavoz municipal do BNG Isabel Pérez manifestou que “en realidade, o que se vai rescatar son os bancos -únicos beneficiarios desta operación- e quen vai pagar a factura da operación, en forma de xuros e de novos recortes no seu benestar, é o conxunto da sociedade. E ademais vai significar a destrución do sistema financeiro galego”. [+]


Aprobado o proxecto de Memoria para a declaración dunha nova área de Rehabilitación Integral para os barrios de Serra San Mamede – Cruceiro Quebrado e Inmaculada

Ourense, 28 de xuño de 2012.- A Xunta de Goberno Local aprobou na súa sesión ordinaria deste xoves o proxecto da concellaría de Vivenda e Rehabilitación Urbana de Memoria para a declaración dunha nova área de rehabilitación integral (ARI) que comprende os barrios de Serra San Mamede – Cruceiro Quebrado e Inmaculada. [+]


Razóns ideolóxicas moven ao goberno galego a liquidar o programa Preescolar na Casa

Ourense, 25 de xuño de 2012.- Este luns, o candidato á presidencia da Xunta, Francisco Jorquera, reuniuse con traballadores e familias do programa Preescolar na Casa para amosarlles o apoio do BNG á continuidade desta iniciativa ao tempo que verteu durísimas críticas contra a decisión da Xunta de liquidar un servizo básico para os nenos e nenas que viven no rural.

Preescolar na Casa é unha fundación que leva prestando servizo dende hai 35 anos. Foi un programa vangarda en Europa, imitado noutros países e garlardoado en varias ocasións pola súa orixinalidade. É unha modalidade educativa deseñada por e para a realidade socioeducativa galega, pioneira por terse anticipado ás leis educativas e familiares. Precisamente o seu impulso na inmersión do galego, a súa aposta pola nosa cultura e tradicións son o cerne da súa liquidación por parte do goberno galego. Afirmaba Jorquera que as razóns da Xunta de ir recortando as axudas a este programa até abocalo ao peche son razóns puramente ideolóxicas porque o Partido Popular non acredita no noso País. [+]


Nace unha iniciativa pola dinamización da escena musical ourensá co apoio da Concellaría de Xuventude

Ourense, 21 de xuño de 2012.- Co obxectivo de contribuir e apoiar a creación musical na nosa cidade, a Concellaría de Xuventude presenta o ciclo de concertos de verán “Móvete! Ourense”, adicado a bandas locais formadas, na sua meirande parte, por xente moza. A iniciativa é unha proposta da recentemente inaugurada Sala Berlín, un novo espazo musical que aspira a “dar saída a demanda de locais para actuacións musicais que existe en Ourense” e co que a Concellería colaborA na posta en marcha, organización e difusión destes concertos. Neste sentido, a edil de área Marta Arribas salientou esta mañá que “sempre é positivo que a empresa privada se sume aos nosos compromiso coa cidadanía, neste caso coa mocidade e actividade artística”. [+]