Novas BNG Concello O Porriño

O BNG do Porriño acusa ao Alcalde de aprobar un prego de arrendamento ao ditado dos canteiros

Fri, 11 May 2012 15:28:45 GMT

O grupo municipal do BNG defendeu no pasado Pleno a necesidade de regularizar a situación alegal das canteiras en Atios e Budiño, mais non aceptando exclusivamente condicións unilaterais dunha das partes

O BNG denuncia que a Xunta pode facer desaparecer o Servizo de Axuda no Fogar no Porriño

Fri, 11 May 2012 15:12:12 GMT

O Grupo Muncipal do BNG ven de presentar unha moción no Pleno da Corporación Municipal, rexeitada co voto en contra do PP do Porriño, instando á Xunta a manter este servizo social básico

O BNG renova o seu Grupo Municipal no Porriño

Mon, 30 Apr 2012 07:41:44 GMT

As persoas que se van incorporar ao Grupo Municipal do BNG no Porriño, en sustitución das tres renuncias presentadas por Raúl Francés, Quico Paz Antón e Victoria Cardoso; serán Gustavo Domínguez Lemos, Laura Iglesias Freiría e Ana Belén Crespo Bastos, membros da candidatura do BNG nas pasadas eleccións locais que se veñen sumar aos concelleiros/as que permanecen no grupo, Monica Bugarín Ramilo e Marcos Rodríguez Novás. Os relevos foron ratificados pola Asemblea Local do BNG.

O Goberno Municipal do PP aproba un plan de axuste económico que supón subidas de até un 30% en impostos e taxas municipais

Thu, 05 Apr 2012 17:49:42 GMT

O Plan de Axuste que o Goberno Municipal do Porriño ven de aprobar no Pleno Municipal, e que foi presentado ante a Administración Central do Estado, só contempla incrementos de ingresos grazas a notábeis subidas impositivas.

Desde o BNG queremos denunciar que o Goberno Local adoptou a medida de axuste económico máis lesiva para o conxunto dos veciños e veciñas do Porriño, incrementar os ingresos do concello cunha substancial subida de taxas e impostos que prexudica ao conxunto da sociedade, máxime nos tempos de crise económica na que nos atopamos.

O BNG do Porriño anima á cidadanía a participar na folga xeral do 29 de marzo e denuncia as propagandísticas políticas de emprego do Goberno Local

Wed, 21 Mar 2012 11:49:11 GMT

Membros da formación nacionalista repartiron hoxe díticos polas rúas do casco urbano informando sobre as modificacións regresivas da reforma laboral e animando á cidadanía a participar na folga xeral do vindeiro 29 de marzo

Un 8 de Marzo, Día Internacional das Mulleres, marcado polo incremento do desemprego e os recortes dos servizos públicos no Porriño

Wed, 07 Mar 2012 18:48:28 GMT

O desemprego segue a medrar mes a mes no Porriño, con especial incidencia entre as mulleres. Así o indican as cifras do desemprego do mes de febreiro, que elevan a 2.597 as persoas demandantes de emprego inscritas no noso municipio, das cais 1.445 son mulleres e 1.152 homes

O encarecemento dos servizos públicos, caso da suba do prezo das escolas infantís e os comedores escolares, medidas que van afectar ao vecindario do Porriño, non axudan a conciliar a vida laboral e familiar

A nova precarización do mercado laboral e o recorte nas pensións tamén afectará máis negativamente ás mulleres, que son maioría nos traballos a tempo parcial e na economía somerxida

Un novo pulo á feminización da pobreza está a vir da man dunhas políticas do Partido Popular opostas á igualdade de oportunidades entre homes e mulleres

O BNG do Porriño apoia a Iniciativa Lexislativa Popular promovida pola Plataforma SOS Sanidade Pública

Wed, 29 Feb 2012 17:13:50 GMT

O grupo municipal nacionalista presentou unha moción no Pleno Municipal coa finalidade de instar á administración autonómica a garantir a Sanidade Pública como servizo universal, gratuíto e de calidade e a manter a xestión pública e directa do Sistema de Saúde de Galiza.

O BNG do Porriño quere animar aos veciños e veciñas a colaborar con esta inicitiva, e empraza á Xunta de Galiza e á Consellaría de Sanidade a cumprir co compromiso de ampliación do Centro de Saúde no municipio e á urxente dotación dunha nova praza de pediatría.

O PP do Porriño vota a favor de subir a contribución e as escolas infantís

Wed, 29 Feb 2012 17:13:15 GMT

O Grupo Municipal nacionalista ven de presentar mocións no Pleno da Corporación Municipal contra o incremento de tarifas nas escolas infantís da Xunta de Galiza e contra a suba da contribución decidida polo Goberno do Estado.

Co seu rexeitamento, o Partido Popular do Porriño apoia dúas medidas dos gobernos de Feijoo e Rajoy que fan recaer o custo da crise en quenes non a provocaron.

O BNG do Porriño renova a súa dirección local

Wed, 29 Feb 2012 17:25:28 GMT

O BNG ven de escoller, dentro do proceso de renovación dos seus órganos de dirección iniciado coa celebración da súa XIII Asemblea Nacional, o seu novo Consello Local no Porriño, máximo órgano de dirección da fronte nacionalista na localidade.

O proceso de renovación da dirección saínte, encabezada por Pedro Pereira Fernández, recentemente nomeado novo responsábel comarcal do BNG no Condado, foi un proceso aberto ao conxunto da militancia que deu como resultado a presentación dunha única lista composta por persoas que representan a pluralidade do BNG no Porriño. A lista, encabezada por Manuel Sánchez Díaz, elixido novo responsábel local da organización, contou co respaldo do 86 % da militancia, non tendo votos en contra. O novo Consello Local formará unha equipa forte e compacta, mistura de experiencia e mocidade, e con ganas de traballar e recoller o legado da acción organizativa e institucional acumulada polo BNG para proxectala e enriquecela no futuro.

A nova dirección local estará formada por Manuel Sánchez Díaz, Obdulia Diniz Carlos, Laura Iglesias Freiría. Gustavo Domínguez Lemos, Patricia Pampillón Vila, Aurora Rivas Sío e Marcelo Rodríguez Acosta.

O paro sube máis no Porriño que nos concellos limítrofes

Wed, 29 Feb 2012 17:09:21 GMT

O grupo municipal do BNG entende que a situación é suficientemente grave para que o alcalde reaccione e convoque a todos os grupos políticos e axentes sociais para procurar actuacións máis eficaces..

As cifras do goberno do Estado e a Xunta de Galicia voltan indicar que no Porriño o paro sigue aumentando de xeito dramático. Neste mes de xaneiro coa incorporación de 94 novas persoas e que levan a cifra de demandantes inscritos á cantidade de 2538 persoas, o que supón na realidade máis dun 20% de paro na poboación activa.

O grupo municipal do BNG pídelle ao alcalde Nelson Santos que reaccione e convoque con urxencia á xunta de portavoces e aos axentes sociais como medida responsable para buscar unha solución máis efectiva a este drama social que estamos a vivir e que se vai prolongar no tempo. “Esconderse tras declaracións de logros que non se corresponden coa realidade non é aceptable cando as cifras oficiais da Xunta e do goberno do estado son tan contundentes”, manifestou Mónica Bugarín, responsable de emprego no grupo municipal do BNG.

O BNG do Porriño califica de desastre a subida do paro no mes de decembro no Porriño

Wed, 04 Jan 2012 13:14:23 GMT

O alcalde e o concelleiro de emprego deben abandonar as políticas de engano e propaganda e elaborar un plan de emprego eficaz para o ano 2012.

O grupo municipal do BNG valorou como moi grave a subida de 82 persoas no paro rexistrado nos servizos públicos de emprego no mes de decembro no Porriño e que supoñen que ao longo do ano 2011 o paro aumentou no concello en 238 persoas dende o mes de xaneiro.

Pese ás políticas de autobombo e propaganda do goberno local de Nelson Santos, o paro medra no Porriño en cómputos anuais no mes de decembro por enriba das porcentaxes dos concellos da rotonda e demostra que non se están aplicando políticas adecuadas ao grave problema prantexado. “Si hai un mes o goberno local do PP vinculaba o éxito das súas políticas á baixada en dúas persoas no paro rexistrado no Porriño, imaxinamos que agora, cunha subida de 82 peroas no mes de decembro, terá que estar pensando que esas políticas non están ben encamiñadas e hai que dar un necesario cambio de timón nas mesmas” manifestou Mónica Bugarín, concelleira para asuntos de emprego no grupo municipal do BNG.

O BNG está moi preocupado polo aumento do paro no mes decembro e ao longo do ano pero sigue mantendo que é necesario o consenso de todos os grupos políticos e axentes sociais para conseguir o éxito perseguido. “Sabemos que o goberno de Santos fracasou pero non podemos alegrarnos deste fracaso”, manifestou Mónica Bugarín “ nos seguimos tendendo a man de apoio e deixando claro que estamos por axudar nesta tarefa como pide a maioría social do vecindario”.

O Bloque Nacionalista Galego no Concello do Porriño afirma que o goberno municipal está paralizado.

Tue, 27 Dec 2011 13:16:01 GMT

O Bloque Nacionalista Galego no Concello do Porriño afirma que o goberno municipal está paralizado.

O goberno de Nelson Santos é caro e ineficaz para o BNG.

O grupo municipal do BNG aproveitou a celebración do derradeiro pleno ordinario do ano no Porriño para denunciar a falta de resposta do goberno municipal aos problemas reais da cidadanía e a paralise na que está instalado o alcalde e o seu equipo nun pleno que se caracterizou pola falta de contido e a acumulación de puntos de escasa importancia.

“Cando se pon a soldo a nove edís é lóxico esperar que as cousas funcionen mellor e non se adiquen simplemente a cubrir o expediente con cuestións menores”, manifestaron os membros do BNG no transcurso dun pleno anodino e falto de contido.

O Partido Popular non foi quen de explicar como, chegado o fin de ano, non ten siquera presentado o avance dos orzamentos para o ano 2012 e non foi quen de executar nen un 20% dos investimentos previsto para o ano que agora remata. O concello deixou de ser un elemento de cambio e progreso no Porriño para convertirse nunha institución volcada na propaganda e na desidia.

Mocións que o Bloque Nacionalista Galego do Porriño presentará no pleno do día 26 de decembro de 2011

Fri, 23 Dec 2011 12:48:21 GMT

MELLORA DE AFORRO ENÉRXÉTICO NO PAVILLÓN MUNICIPAL.

EN CONTRA DA INSTALACIÓN DUN PARQUE EÓLICO NA SERRA DO GALIÑEIRO.

ELABORACIÓN DUN REGULAMENTO PARA O ACCESO E UTILIZACIÓN DOS LOCAIS PÚBLICOS PROPIEDADE DO CONCELLO.

O Bloque Nacionalista Galego do Porriño acusa ao goberno municipal de ocultar a verdade sobre a subida da taxa do lixo

Fri, 23 Dec 2011 12:13:25 GMT

Pese ao que afirme o goberno de Nelson Santos e o PP, tamén no ano 2012 vanse cobrar as mesmas cantidades.

O grupo municipal do BNG do Porriño, en resposta as declaracións do concelleiro de industria, Marcelino Coto, publicadas hoxe no Faro de Vigo, quere facer as seguintes puntualizacións:

É imposible, a día de hoxe, modificar non só os recibos do presente ano 2011 senón tamén os do vindeiro ano 2012, dado que, sendo unha taxa periódica, a lei orzamentaria obriga a que sexa modificada antes do 31 de decembro do ano anterior a ser aplicada. Declaracións de modificación a 21 de decembro só poden demostrar que se descoñece os procedementos legais ou simplemente que se está mentindo pois non hai tempo material para modificala e tamén será de aplicación no 2012.

Nelson Santos agota o prazo legal para convocar o pleno solicitado polo BNG

Fri, 02 Dec 2011 10:40:09 GMT

O alcalde decide non incluír unha moción do BNG que pide que o pleno se manifeste en contra dos insultos do alcalde a un concelleiro nacionalista no pleno ordinario de agosto.

O alcalde do Porriño ven de convocar para o luns día 5, ás 18:30, o pleno extraordinario solicitado polo grupo municipal do BNG agotando o prazo legal que a lei marca para a súa celebración.

A orde do día do pleno recolle, a petición do grupo nacionalista e por mandato legal, as mocións que o alcalde se negou a incluír no pleno do mes de outubro, tanto do BNG como do PSOE, e que agora terán que ser tratadas no pleno ao contar os nacionalistas con representación suficiente para provocar a convocatoria do mesmo.

Este pleno servirá para que tanto BNG como PSOE fiscalicen aspectos moi importantes da vida municipal que van dende as políticas de emprego, o desenvolvemento da modificación do plan de urbanismo en marcha, os recortes da Xunta nas prestacións dos servizos sociais no concello do Porriño e a adquisición irregular dunha varredoira polo concello.

O BNG solicita un pleno extraordinario coas mocións dos grupos da oposición que o PP se negou a incluír no pleno ordinario do mes de outubro.

Fri, 18 Nov 2011 00:18:14 GMT

A negativa do alcalde Nelson Santos a incluír unha moción do BNG sobre o importantísimo aumento da cifra do paro no Porriño ten provocado que o BNG solicite a celebración dun pleno extraordinario con esta e outras mocións non incluídas.

O BNG ven denunciando que as cifras do Servizo público de Emprego do goberno de España e da propia Xunta de Galicia falan de cifras record nunca vistas no noso concello. A día de hoxe, e según as últimas publicadas, o paro é de 2364 persoas. O que equivale a un aumento do 22% sobre o mesmo mes comparable do goberno municipal do BNG.

Este paro concentraríase, ademais de na construción, en dous sectores básicos da nosa economía: o industrial, cunha subida do 22 % e no sector servizos, cunha subida do 25%.

“As cifras do paro se están a disparar e son maiores que nos concellos dos arredores. De ser un concello que creaba emprego pola súa forza industrial e económica pasamos a converternos nun concello que xera mais paro que os demais”, declarou a concelleira do BNG encargada de políticas de emprego, Mónica Bugarín.

O PP do Porriño cambia de voto sobre a parcela ocupada por Construccións Crespo

Tue, 08 Nov 2011 21:47:35 GMT

As últimas declaracións do goberno de Nelson Santos sobre as ocupacións de parcelas municipais realizadas por particulares chegan con moitos anos de retraso. Porque estas ocupacións que nunca pagaron canon algún se realizaron en épocas do goberno de Barros González e o PP impediu cos seus votos que se pagaran alugueres. Esconde o actual concelleiro delegado de patrimonio que durante o goberno do BNG, os que agora son o PP, votaron en contra de acabar co expolio que durante décadas permitiu o mesmo PP en terreos de propiedade municipal.

Un acordo similar ao anunciado agora con Construccións Crespo contou co voto en contra do PP no ano 2006 cando foi proposto polo BNG. Con este acordo, cinco anos despois, a empresa “aforrou” unha cantidade aproximada de 250.000 euros.

Tampouco contaron cos votos favorábeis do PP as recuperacións de parcelas ocupadas na parroquia de Atios, que agora semellan descubrir os populares, e que no seu momento consentiron e permitiron continuar, co seu voto en contra , a recuperación das mesmas polo concello. O PP, e os que antes se facían chamar Ciudadanos e Independientes sempre puxeron atrancos a regularizar estas situacións con alugueres ou permutas.

O goberno de Nelson Santos realiza gasto por máis de 670.000 euros saltándose os trámites legais

Tue, 28 Feb 2012 20:59:32 GMT

No pleno ordinario celebrado o pasado luns, 31 de agosto, o grupo municipal do BNG solicitou unha comisión informativa para depurar as responsabilidades xurídicas e administrativas por un gasto de 672.583 € que o goberno de Nelson Santos realizou en período electoral e que contan con informes de ilegalidade do servizo de intervención municipal.

Este gasto, realizado por fora do orzamento municipal, supón en definitiva un xeito irregular de funcionamento pois fomenta a contratación a dedo de certas empresas, algunhas directamente ligadas con persoas do Partido Popular e do entorno do goberno municipal, e está estrictamente prohibidas pola Lei de Contratos da Administración actualmente en vigor.

Que o gasto se realizara sen partida orzamentaria e sen a intervención dos equipos administrativos de secretaría, intervención e da oficina técnica de urbanismo e obras é a proba, para o BNG, de que o alcalde e o seu grupo de goberno coñecían perfectamente que estaban obrando de xeito irregular e buscaban simplemente liberarse do procedemento que marca a lei.

Nos informes de intervención, negativos para todas e cada unha das facturas, se advirte que con este comportamento se impide a igualdade das empresas á hora de contratar co concello; se fraccionan pagos para saltarse as limitacións da lei de contratos; e se realizan os gastos sen ter soporte orzamentario por non existir partida para ese fin.

O BNG solicita a comparecencia do alcalde para explicar as intencións de rebaixa do canon das canteiras.

Mon, 19 Sep 2011 15:16:57 GMT

O grupo municipal do BNG presentou un escrito no rexistro municipal no que solicita a comparecencia do alcalde Nelson Santos diante da Xunta de Portavoces para que dea explicacións sobre as declaracións do concelleiro delegado de patrimonio e canteiras nas que anunciaba unha rebaixa no canon por ocupación.

Para o BNG o Partido Popular recoñece, a través do concelleiro Carlos Martínez, o que xa era un segredo a voces: que o goberno de Nelson Santos e o PP galego carecen dun plan para reactivar o sector e o PP local tira a toalla no seu deber de garantir que as arcas municipais ingresen o actual canon das canteiras.

A recente visita do Conselleiro de Industria sen unha soa proposta para un sector imprescindible na economía porriñesa, ten a súa continuación nunhas declaracións absolutamente desafortunadas nas que o único que se pon enriba da mesa é rebaixar os ingresos do concello polo canon de explotación e o recoñecemento público de que no tempo no o PP ten a alcaldía do Porriño non se ten avanzado nada no proceso de legalización das explotacións, a pesares da posibilidade aberta pola lei de minas aprobada cando o BNG tiña responsabilidades de goberno na Consellería.

Recortes nos centros públicos de ensino do Porriño.

Tue, 28 Feb 2012 20:46:17 GMT

O BNG denunciou no pleno os recortes nos centros públicos de ensino do Porriño.

Neste curso suprímense tres aulas de primaria no CPI Ribeira do Louro e unha de infantil de tres anos no CEIP Fernández López.

O BNG presentou unha moción contra os recortes no ensino público no Porriño que non saiu adiante polo voto en contra do alcalde e o grupo municipal do PP. Este recorte de catro docentes materialízase nos colexios que son referencia para a poboación urbana do polígono de Torneiros e o centro urbano da vila e se enmarca nos recortes xerais da consellería a nivel galego.

Para o BNG é unha realidade obxectiva que a perda de duas prazas de educación primaria e unha de especialista en educación física no CIP Ribeira do Louro de Torneiros e unha de infantil de tres anos no CEIP Fernández López do centro urbano, terán repercusión apreciable no funcionamento destes centros, que se verán obrigados a traballar con moitos máis nenos e nenas por aula que nos cursos pasados.

Ademáis, o BNG ten datos de que para poder materilizar estes recortes a consellería e o propio concello, na comisión de escolarización, desviou alumnado a outros centros privados concertados.