O ‘Plan de Ordenación do Litoral’ abre a porta á especulación urbanística na costa de Nigrán
Nigrán, 1 de outubro de 2010.- O actual Plan de Ordenación do Litoral de Galicia (POL) posibilita que se constrúan todo tipo de urbanizacións ao pé das nosas praias. Así, o POL, ademáis de eliminar en toda a comunidade a protección sobre os primeiros 500 metros de costa, non contempla a “mellora ambiental e paixaxística” na Praia de Panxón, América, e Praia de Monte Lourido. A zona destos areais califícase como de “ordenación”, é dicir, considérase como áreas aptas para os desenvolvementos urbanísticos desde calquera tipo de asentamento (artigo 64 do POL ).
O BNG, ante semellante ameaza ao municipio, presentou alegacións para que se repoña a protección dos primeiros 500 metros en todo o litoral de Nigrán. O partido nacionalista pide que se manteña a suspensión nesa franxa de novos desenvolvementos urbanísticos e que o POL cumpla así coa súa pretendida protección do litoral.
reclama que a “mellora ambiental e paisaxística” se extenda a todo o frente litoral da Praia de Panxón, da Praia América e da Praia de LouridoPor outra banda, reclama que a “mellora ambiental e paisaxística” se extenda a todo o frente litoral da Praia de Panxón, da Praia América e da Praia de Lourido, pois non se entende que esa “ mellora ambiental e paisaxística “ se corte precisamente nas zonas citadas e se fixen esos ámbitos como zonas de “ordenación”, é dicir, abertas ao urbanismo máis salvaxe. A xustificación desta alegación radica en que si se regulan esas zonas como de mellora ambiental e paisaxística permitiranse so “excepcionalmente” crecementos urbanísticos (artigo 63 do POL).
Finalmente, o BNG de Nigrán reivindica que nas áreas de “protección intermareal” (artigo 61) e de “protección costeira” ( artigo 62) non se permitan ningún desenvolvemento urbanístico.
