concello
Laxe

Segue @obloque

A eurodeputada Ana Miranda coñeceu os problemas de Laxe de man do BNG

Ana Miranda, xunto a Xosé Manuel Pose, concelleiro do BNG, e as compañeiras do grupo local Xulia Mira e Diana Toja, mantiveron un encontro co patrón maior e co secretario da confraría de Laxe

23/07/2011.  Ana Miranda, eurodeputada do Bloque Nacionalista Galego, estivo a tarde de onte na vila de Laxe para abordar dous problemas que marcarán o futuro da vila: a problemática da area, a praia e o porto; e a reforma da política pesqueira común.

A reforma da política pesqueira pon en perigo ducias de empregos en Laxe

Acto público para coñecer de primeira man este coñecido problema da localidade

Ana Miranda, xunto a Xosé Manuel Pose, concelleiro do BNG, e as compañeiras do grupo local Xulia Mira e Diana Toja, mantiveron un encontro co patrón maior e co secretario da confraría de Laxe, para abordar a reforma da política pesqueira europea.

Os anuncios até agora coñecidos sobre a reforma da política pesqueira europea son moi preocupantes, e poñen en perigo a 2500 embarcacións galegas (un tercio da nosa frota pesqueira). Ana Miranda participará durante o 2012 neste debate en Bruxelas e defenderá con toda a intensidade o sector pesqueiro galego.

Ana Miranda, xunto a Xosé Manuel Pose, concelleiro do BNG, e as compañeiras do grupo local Xulia Mira e Diana Toja

Os representantes da confraría trasladaron a súa preocupación polo futuro do sector, que en Laxe se compón de medio cento de embarcacións, ademais de mariñeiros embarcados en barcos con outros portos de orixe, e manifestaron a súa queixa xa pola limitación das cotas actuais, que poderían incluso verse drasticamente reducidas. Este e outros temas do sector serán obxecto de diálogo permanente por parte do BNG.

O problema da praia e o porto chegará a Europa da man do BNG

Ana Miranda deu un paseo por Laxe e participou despois nun acto público para coñecer de primeira man este coñecido problema da localidade, que afecta á súa vida diaria, e que debería estar xa en vías de solución pero que se atopa coa inoperancia do goberno galego (non por casualidade, vén de ser cesado no seu posto o responsábel de Portos de Galiza, Álvarez-Campana).

Ana Miranda comprometeuse a buscar fórmulas para trasladar este problema a Bruxelas e tentar que tamén a Unión Europea se teña que comprometer na súa solución.

 

---