As políticas de Igualdade son tema principal do novo BENEGA AO DÍA
O novo número do noso voceiro inclúe información da Asemblea Nacional Extraordinaria; sobre a crise económica e sobre a negociación dos Orzamentos do Estado
Santiago de Compostela, 7 Novembro 08. O número 31 do BENEGÁ AO DÍA vén de saír do prelo. Inclúe cinco páxinas nas que se repasan as políticas de Igualdade que leva a cabo o nacionalismo desde as súas responsabilidades de goberno. Tamén se recolle información sobre a posición do BNG ante a crise económica e unha entrevista co portavoz parlamentar Carlos Aymerich.
O número inclúe dúas páxinas sobre a última Asemblea Nacional, na que se reelixiu a Anxo Quintana como candidato á presidencia da Xunta. Así mesmo, recóllense os detalles do acordo entre o BNG e o PSOE para apoiar os orzamentos do Estado.
A contracapa leva unha entrevista con María Yáñez, unha das responsábeis do vídeoblog de Anxo Quintana.
