BE NE GA nº 20: Número especial do BENEGA AO DÍA para a XII Asemblea Nacional
Santiago de Compostela, 22 Novembro 06. A Secretaría de Comunicación edita un número especial do noso boletín para informar do programa da XII Asemblea Nacional (2 e 3 de Decembro, Palacio de Congresos de Santiago de Compostela). Entre outros contidos, nel analisamos as ideas que transmite o cartaz que se deseñou para esta Asemblea. A campaña gráfica será apresentada en rolda de imprensa este sábado 25 de Novembro na Sede Nacional.
Outra iniciativa comunicativa que terá a súa estrea durante o proceso asemblear será unha televisión dixital do BNG que emitirá en circuíto pechado e através do noso sitio web. Poderanse seguir os discursos de apertura e clausura, e tamén microespazos informativos.
Informamos, por último, de que este BENEGA AO DÍA especial só será enviado aos domicilios dos militantes.
