BE NE GA nº 13: incorpora a cor na súa nova entrega, cunha análise en profundidade sobre as infraestruturas
Unha entrevista con Pablo González Mariñas e unha reportaxe sobre o Plano Galego de Vivenda, algúns dos contidos do novo número do voceiro impreso
Santiago de Compostela, 10 Abril 06. Xa saíu do prelo o novo número, o 13, do BE NE GA AO DÍA, que apartir de agora incorpora a cor nas súas ilustracións. Nesta edición -que podes baixar en pdf-, o voceiro impreso entrega un dossier sobre as infraestruturas que o país precisa, con dados enormemente esclarecedores a respecto das prioridades reais do Estado español nesta materia.
O BE NE GA AO DÍA apresenta, entre os contidos desta nova entrega, unha entrevista co vicepresidente da Comisión do Novo Estatuto, Pablo González Mariñas, así como información polo miúdo do Plano Galego de Vivenda.
O voceiro impreso, que incorpora un deseño novo e introduce a cor nas ilustracións gráficas, oferece tamén as habituais seccións de Comarcas e En Destaque, así como A Executiva Informa, desta vez dedicada á campaña de afiliación.
