Novas BNG Concello Páxina web oficial do BNG de Fisterra

FOTODENUNCIA: A milla verde

Thu, 21 Jul 2011 15:56:28 GMT

Esta semana, un grupo de control do BNG fixo acto de presencia no paseo marítimo da Langosteira por mor das diversas queixas recibidas por parte da veciñanza da Anchoa. Cal non sería a sorpresa dos nosos compañeiros cando atoparon, na ponte pequena do Río Grande, un arranxo a guisa de "chapuza gallega" do máis sorprendente. Cando a imaxe chegou fresquiña á nosa redacción, e unha vez superada a estupefacción inicial, o primeiro que fixemos foi comprobar se estabamos ante unha fotomontaxe, obra dunha broma pesada dos nosos compañeiros. Por suposto, e coñecendo a incompetencia -case nos atreveriamos a dicir que innata- do concelleiro de obras públicas, o señor Ramón Redonda, non foi difícil convencernos de que a imaxe era tristemente real. Despois de que o voceiro do BNG de Fisterra, Modesto Fraga, enviara unha nota de prensa, da que xa se fixeron eco algúns medios, denunciando a situación, reiteramos a nosa esixencia ó goberno municipal para que sexa consciente de que xa non estamos a falar dunha cuestión de estética, ecoloxía, paisaxismo ou hixiene urbana -coma xa é habitual-, senón que se trata dunha mostra de incompetencia gravísima e imperdoable que pon en risco a seguridade dos viandantes que, a centos, percorren o paseo a diario. Do mesmo xeito que a milla verde, pode que algún día o paseo marítimo sexa a derradeira camiñata para algún fisterrán ou visitante. Dende logo, sospeitamos que a "chafulada" non vai aguantar moito tal coma está, e despois a ver quen asume a responsabilidade cando aconteza unha desgracia.

Modesto Fraga esixe un criterio social nas contratacións do Concello

Sun, 10 Jul 2011 13:19:12 GMT

POLÍTICA LOCAL- O voceiro do Bloque Nacionalista Galego en Fisterra, Modesto Fraga, pediu información a pasada semana sobre a contratación de persoal ligado ó Programa de Cooperación da Xunta de Galicia co gallo de evitar discriminacións e para que o Concello se ciña ós criterios esixidos pola Consellería de Traballo. A información solicitada céntrase nos postos de Protección Civil e socorrismo. (FOTO: La Voz de Galicia)

BREVES: O Bloque participará na vindeira Festa do Longueirón

Sun, 10 Jul 2011 12:49:34 GMT

CULTURA- Coma xa vén sendo tradicional, a Asemblea Local do Bloque Nacionalista Galego decidiu participar activamente na vindeira Festa do Longueirón, coma ven facendo dende as orixes da cita gastronómica. O Bloque instalará unha caseta na que se poderán degustar as mellores especialidades baseadas no noso símbolo gastronómico. A festa celebrarase, coma tódolos anos, o primeiro fin de semana de agosto na Enseada da Ribeira, na capital municipal. A militancia e os simpatizantes da formación frentista serán os encargados de atender ás multitudes que de seguro vistarán a caseta, unha das máis clásicas nesta festa.

Os novos concelleiros do BNG inician a lexislatura con forza

Sun, 10 Jul 2011 12:50:20 GMT

POLÍTICA LOCAL. Cumprindo co seu firme compromiso de levar a cabo unha oposición forte e constante ó longo dos catro anos desta nova lexislatura, os novos concelleiros do BNG no pleno de Fisterra -Modesto Fraga e Germán Martínez- comezaron xa a traballar publicamente en nome do BNG, esixindo ó concello que informe á cidadanía sobre a contratación do persoal de limpeza de praias, e denunciando na prensa a lamentable situación ecolóxico da praia de Sardiñeiro. O pasado mes de xuño, Galiza Nova publicara tamén unha nota de prensa denunciando a perda da Bandeira Azul da Praia da Langosteira, e a carenza de mantemento das instalacións do referido areal.

O BNG desmonta as mentiras do Concello sobre a gardería municipal

Sun, 24 Apr 2011 13:10:31 GMT

Nunha nota de prensa emitida o día 18 do presente mes, Modesto Fraga ponnos ó día dun novo escándalo preelectoral do goberno do PP.

Membros da lista manterán xuntanzas cos colexios e institutos do Concello

Sun, 24 Apr 2011 13:00:15 GMT

BREVES- NOVAS DO PARTIDO

Membros da lista electoral do BNG, entre os que se contan Modesto Fraga, Germán Martínez e Xoán Silva; manterán diversas xuntanzas coa maioría dos equipos directivos dos colexios e institutos do Concello de Fisterra. O obxectivo destas xuntanzas, que se efectuarán nas vindeiras semanas, é recompilar información sobre o estado das instalacións dos centros educativos, co gallo de incluír no programa a mellora e mantemento destes espazos. Trátase doutra iniciativa integrada no afán modernizador do BNG, que ten coma un dos seus obxectivos primordiais de goberno a mellora nas condicións culturais e formativas da vila.

O BNG de Fisterra denuncia a persecución á que son sometidos os nosos mariñeiros

Sun, 24 Apr 2011 12:55:30 GMT

Nunha nota de prensa emitida a pasada semana, o candidato á alcaldía Modesto Fraga denuncia o nefasto trato que os mariñeiros están a recibir, situación máis triste tanto que estamos a falar do sector chave da nosa economía.

O BNG REVELA A SÚA LISTA ELECTORAL

Fri, 11 Mar 2011 14:54:00 GMT

POLÍTICA LOCAL

Trátase dunha lista renovada, progresista e paritaria, con representantes dos diversos sectores productivos e sociais da vila.

NA IMAXE, de esquerda a dereita: Modesto Fraga, Germán Martínez, Xoán Silva, Mónica Góñez, Inés Estévez, Natalia Rodríguez, Zaira Trillo, Sandra Marcote, Yolanda López, Paulina Mouzo, Brandon Ruíz e José Ínsua.

Éxito da charla sobre a pesca en Fisterra impartida polo BNG local

Thu, 10 Mar 2011 14:14:59 GMT

NOVAS BNG- A charla-coloquio, celebrada o pasado luns, contou coa participación principal de Bieito Lobeira, deputado do BNG no Parlamento Galego e responsable de pesca da formación frontista.

Falaron tamén Modesto Fraga (candidato á alcaldía) e Xan Carlos Sar (responsable local). O acto, levado a cabo no local do partido, contou coa asistencia e participación de numerosos fisterráns, a maioría relacionados co sector pesqueiro.

O BNG informa ó sector pesqueiro de Fisterra

Thu, 24 Feb 2011 17:28:52 GMT

NOTA DE PRENSA: O BNG de Fisterra anima ó sector pesqueiro da localidade a que solicite as axudas polos desperfectos ocasionados polo temporal do pasado mes de novembro. As axudas inclúen tanto os danos ocasionados sobre as embarcacións, como sobre os que sufriron as artes de pesca, con contías que varían entre os 1.500 e os 8.000 euros.

"Sesión vermú"

Mon, 07 Feb 2011 14:57:25 GMT

O pasado luns, 31 de xaneiro, daba comezo a Operación Orquestra, un golpe do xulgado de Corcubión ás supostas actividades ilícitas dalgúns concellos da comarca, entre eles o de Fisterra. Na nosa vila, o número de detidos despois da operación ascendeu a tres, precisamente os integrantes da plana maior do Partido Popular de Fisterra e, polo tanto, do goberno. Despois de ter declarado no xulgado de Corcubión, os tres foron postos en liberdade con cargos e teñen a obriga de presentarse no xulgado de xeito quincenal á espera de que saia a sentenza. Están acusados de tráfico de influencias, suborno, prevaricación e falsificación documental. Ofrecemos aquí un breve percorrido polos acontecementos que, nesta última semana, fixeron tremer ó Concello de Fisterra.

(FOTO: La Voz de Galicia, 1-2-11)

O BNG lamenta os escándalos urbanísticos do Concello de Fisterra

Thu, 24 Feb 2011 17:11:54 GMT

NOTA DE PRENSA:

A pasada semana, o candidato á alcaldía pola formación nacionalista denunciaba na prensa a situación urbanística da vila nun comunicado, que pasamos a reproducir na súa totalidade.

Propostas para mellorar Fisterra

Thu, 24 Feb 2011 17:06:46 GMT

ANUNCIO: Unha iniciativa popular en Facebook.

O BNG de Fisterra estreará local nas vindeiras semanas

Mon, 07 Feb 2011 14:56:29 GMT

A nova sede forma parte do compromiso do BNG de cara á vila. Contará con diverso equipamento e espérase que favoreza a actividade política e social do partido. Será inaugurada en canto rematen as obras de acondicionamento, nas cales están inmersos tódolos membros do partido.

O BNG felicita á nova equipa directiva da Asociación de Empresarios de Fisterra

Mon, 07 Feb 2011 13:56:21 GMT

Modesto Fraga, novo candidato do BNG á alcaldía, felicitou á nova presidenta da entidade, Lourdes Rodríguez Blanco. A empresaria, coñecida por rexentar dende fai moitos anos Galerías Pérez, substitúe a Xan García Pouso á fronte da Asociación en Empresarios "Ara Solis" de Fisterra.

Modesto Fraga, candidato do BNG de Fisterra á alcaldía

Mon, 07 Feb 2011 14:57:02 GMT

Concorrerá ás eleccións do vindeiro maio de 2011, co obxectivo de ofrecer a Fisterra un proxecto renovado e que poida facer fronte á maioría absoluta que actualmente detenta o Partido Popular. Foi elixido pola Asemblea Local do BNG por unanimidade, proposto polo Movemento Galego ó Socialismo que en Fisterra está representado por Xan Carlos Sar.

Recollida de sinaturas en relacción coa nova Lei de Augas

Tue, 07 Dec 2010 18:03:00 GMT

NOTA DE PRENSA- Publicamos nesta web a nota de prensa emitida polo BNG de Fisterra en relacción á lei de augas. Despois da charla informativa organizada polo BNG en colaboración coa A.V. Val de Duio o pasado sábado, chegouse ó acordo de convocar unha recollida de sinaturas contra esta lei aprobada polo Parlamento de Galicia e que conta cunha gran oposición entre a veciñanza. O ciclo de charlas continuará nas vindeiras semanas en Fisterra e Sardiñeiro.

CRÓNICA POLÍTICA: De presupostos, manghanchas e plenos fantasma

Wed, 01 Dec 2010 17:20:13 GMT

Unha análise da política fisterrana neste outono de 2010, con tódolos escándalos, manghanchas e manobras orquestradas polo goberno municipal.