O goberno local de Ferrol é incapaz de pór en marcha os semáforos da Estrada de Castela
O executivo local anunciara a posta en marcha no mes de marzo
O BNG considera que a mala xestión do Goberno está a provocar numerosos incidentes neste víal que afectan á seguridade, e censuran o excesivo retraso na entrada en funcionamento da sinalización semafórica.
O BNG lembra a reiteración nos incumprimentos dos prazos anunciados polo goberno de Rey Varela, que xa anunciara a sua posta en marcha no mes de marzo, e considera que carecen de xustificación algunha. O BNG afirma que o feito de que se dera por inaugurada á estrada de Castela sen estar operativa a rede semafórica demostra que o goberno de Rey Varela antepuxo os intereses propagandísticos á seguridade dos vecinos e veciñas que a diario circulan por esta vía.
