Pleno do mes de agosto

Culleredo, 29 de agosto de 2012.- Mañán xoves terá lugar, ás 13.30 horas na Casa do Concello, o pleno correspondente ao presente mes.

 O goberno local denuncia o “incumprimento reiterado da lexislación” por parte dos voceiros de PP e APdC

Culleredo, 25 de agosto de 2012.- Das 8 xuntas de voceiros celebradas en 2012, Rioboo non asistiu a ningunha e Cañás a unha, cando teñen a obriga legal de asistir e de notificar e xustificar con antelación suficiente a súa ausencia, cousa que tampouco adoitan facer.

Este comportamento constitúe unha auténtica falta de respecto, tanto de cara ás veciñas e aos veciños que os votaron, como á institución no seu conxunto, pois resta operatividade ás reunións e dificulta o seu funcionamento, supondo, en palabras de Raquel Jabares, unha auténtica "deixación de funcións".

 O BNG quere compensar a paga de Nadal das traballadoras e traballadores públicos municipais

Culleredo, 13 de agosto de 2012.- Os portavoces do BNG na Coruña, Cambre, Culleredo, Oleiros e Sada anunciaron hoxe en rolda de prensa a presentación en todos os concellos da comarca de mocións para compensar a perda de poder adquisitivo das traballadoras e traballadores públicos municipais, como consecuencia da decisión do goberno do PP de anular a paga de nadal, medida absurda e que, en palabras de Raquel Jabares, repercutirá moi negativamente no pequeno comercio local.

BNG e PSOE acordan negociar a moción polo mantemento do poder adquisitivo dos funcionarios

Culleredo, 31 de agosto de 2012.- Tras longas negociacións, a pouco de comezar o pleno, acadouse un acordo cos representantes do PSOE polo que estes aceptaron negociar o mantemento do poder adquisitivo dos funcionarios do Concello, tal e como anunciou Raquel Jabares, voceira do Grupo Municipal do BNG, no propio pleno.  [...]

teletipos

tele bng