concello
Culleredo

Segue @obloque

Festa do Centro Ocupacional "A Escada"

Algúns dos alumnos durante a estadía no Grove

O venres 3 de xullo a partir das 6 da tarde, terá lugar no Centro Ocupacional “A Escada” do Concello de Culleredo a celebración dunha festa na que se exporá o traballo desenvolvido durante os pasados meses, entre os que cabe citar a mostra do obradoiro de teatro, na que os rapaces e rapazas do centro ocupacional interpretarán unha serie de squechs cómicos; ao remate da actuación ofrecerán unha merenda seguida dun baile onde participarán as familias e amigos e amigas que acudan.

Este centro dependente da concellaría de Benestar Social que dirixe a nacionalista Raquel Jabares, ven de realizar nas pasadas semanas, unha estancia no concello do Grove durante a cal o alumnado puido desenvolver actividades saudables como foi a asistencia  circuitos  termais con fins terapéuticos, ou outras de tipo cultural como a visita ao Centro de Interpretación do Monte Siradella, ao Aquario de Galicia, en Punta Moreiras ou o paseo en catamarán pola Ría de Arousa. Todo isto permitiulles tomar diversas referencias do ecosistema, aprender a disfrutar do tempo de ocio e descubrir novos lugares de interese do noso patrimonio natural, obxectivos sempre presentes na concellaría nacionalista.

---