Novas BNG Concello Corcubión

Lema debería reflexionar sobre a súa continuidade como alcalde de Corcubión

Sun, 06 May 2012 17:19:59 GMT

Corcubión 5 de Maio do 2012. Despois de coñecer a última sentencia na que a xustiza lle da a razón por enésima vez ao electricista municipal, o grupo municipal do BNG pídelle ao alcalde e ao grupo municipal do PSOE que reflexionen sobre a súa continuidade. O BNG considera moi grave a actitude do alcalde contra este empregado, pois cabe recordar que xa lle impuxeron unha multa por acoso, dictamen que ten recorrido de novo na xustiza.

O BNG denuncia ao alcalde no valedor do pobo

Sat, 21 Apr 2012 16:26:01 GMT

A pancarta contra a praia artificial leva mais dun mes secuestrada nas dependencias municipais.

En Corcubión a 21 de abril de 2012. O BNG de corcubión denunciou ante o valedor do pobo ao alcalde, F. Javier Lema, por atentar contra o dereito fundamental de liberdade de expresión no marco do pluralismo político. Fai máis dun mes que o alcalde mandaba retirar aos empregados municipais a pancarta nacionalista da praza de Castelao, na que se podía ler “un millón de euros tirados ao mar, e a ría sen sanear. Praia artificial NON ”. O alcalde neste tempo, nin devolveu a pancarta nin deu unha resposta á solicitude feita polo Bloque corcubionés

Novo Currunchiño na rúa

Thu, 29 Mar 2012 12:40:06 GMT

Corcubión 28 de Marzo 2012. Sacamos un novo Currunchiño a rúa para denunciar que o alcalde négalle a palabra aos veciños para decidir a ubicación do cemiterio e de como segue empeñado en tirar un millón de euros o mar e a ría sen sanear censurando incluso a liberdade de expresión.

O PP é cómplice das decisións do alcalde

Sat, 17 Mar 2012 23:05:07 GMT

Corcubión 18 de Marzo do 2012. O pasado xoves, na celebración do pleno ordinario, o Alcalde e o PP impediron que os veciños e veciñas de Corcubión poideran elexir a ubicación do cemiterio, ao votar en contra o PSOE e absterse na votación o PP na iniciativa do BNG para facer unha consulta popular sobre este asunto. Desta maneira, o pobo de Corcubión ficará sen a posibilidade de participar e decidir onde quere situar o novo cemiterio. O alcalde segue empeñado en mercar uns terreos, sen consenso político, polos que vai pagar arredor de 2500€ o ferrado de monte sen madeira, o que significa para o BNG un auténtico despilfarro de cartos e unha barbaridade.

O BNG Pregunta de novo en Madrid pola praia artificial

Sat, 17 Mar 2012 23:00:03 GMT

Corcubión 17 de Marzo do 2012. O deputado nacionalista Francisco Jorquera volve a preguntar no parlamento pola praia artificial.

O alcalde recupera a censura 40 anos despois

Mon, 12 Mar 2012 18:08:06 GMT

Corcubión 12 de Marzo de 2012. O pasado venres, o BNG de Corcubión colgou unha pancarta na praza de Corcubión para manifestar publicamente o noso rexeitamento ao proxecto da praia artificial co lema: “1 millón de euros tirados ao mar, e a ría sen sanear. NON Á PRAIA”. A sorpresa chegou hoxe luns, cando nos informan que o alcalde mandou retirar a pancarta sen dar ningún tipo de explicación, poñendo en entredito o dereito fundamental de liberdade de expresión que temos as personas e os partidos políticos.

A Dirección Xeral de Relacións Laborais confirma a sanción de 15.000 euros ao alcade por acoso

Mon, 05 Mar 2012 18:08:10 GMT

O bloque considera que deberá abonalos do seu peto

Corcubión, a 3 de marzo de 2012. Xa pasaron dous meses dende que a Dirección Xeral de Relacións Laborais confirmou a sanción de 15000€ que a inspección de traballo impuxo ao concello por acoso o pasado ano, e namentres o alcalde non só ocultou esta información, senón que tampouco a plasmou nos orzamentos municipais que aprobou recentemente. É salientabel o interés que ten o rexedor Lema Fuentes en ocultar esta información, pois lembrounos aos concelleiros do BNG “o deber de gardar reserva das informacións que nos facilitan”, cando todo Corcubión sabe que o concello estaba pendente desta resolución da Xunta de Galiza.

Xabier Paz defendeu a posición en contra da praia artificial do BNG

Tue, 24 Jan 2012 18:52:00 GMT

Corcubión 24 de Xaneiro do 2012. QUE NÓS VEÑAMOS HOXE AQUÍ CON ESTAS CAMISETAS NON É UNHA PANTOMIMA. CA QUE ESTÁ CAENDO E SIN UN PESO, RECORTANDO EN EDUCACIÓN, SANIDADE E SERVIZOS SOCIAIS A VERDADEIRA PANTOMIMA É A DO BOE QUE PUBLICA A DECISIÓN DUN GOBERNO EN FUNCIÓNS DE INVERTIR 1.100.000 € NUNHA PRAIA ARTIFICIAL EN CORCUBIÓN.
PRESENTAMOS ESTA MOCIÓN POR SI ALGUÉN SE VOLVE TOLO EN MADRID E DECIDEN TIRAR TODOS ESES CARTOS NESTA PRAIA ARTIFICIAL. HAI QUE SER PREVENIDOS. QUE SAIBAN QUE NON QUEREMOS ESTE ATENTADO ECOLÓXICO.

O BNG promoverá que os veciños e veciñas determinen onde construír o novo cemiterio de Corcubión

Tue, 17 Jan 2012 18:42:43 GMT

Lamentan que o alcalde faga as cousas ás costas da Corporación e continúe exercendo con prepotencia e desprezo á veciñanza

Corcubión, a 17 de xaneiro de 2012. O portavoz municipal do BNG de Corcubión, Oscar Insua, asegurou hoxe que "promoveremos que os veciños e veciñas do noso concello decidan maioritariamente o lugar onde construír o novo cemiterio". Dixo ademais que "o alcalde está a preparar, como un exemplo máis do escurantismo da súa xestión, actuacións sobre o novo cimeterio sen ter o acordo da maioría da Corporación nin o asentimento veciñal".

OBNG solicita un pleno extraordinario para rechazar o proxecto da praia artificial do alcalde

Thu, 15 Dec 2011 19:04:52 GMT

O portavoz municipal Oscar Insua, declarou que “parece que o alcalde non se da por enterado de que o pobo non quere ese proxecto...

Corcubión, a 14 de decembro de 2011. Hoxe o grupo municipal do BNG solicitou a convocatoria dun pleno extraordinario para aprobar unha moción que rechaza de novo a execución do proxecto para facer unha praia artificial no malecón de Corcubión. O pasado día 3 de decembro a Dirección Xeral de sustentabilidade da costa e do mar publicaba a aprobación definitiva do proxecto, unha publicación que demostra a nocturnidade coa que actuou o alcalde cando dicía que o proxecto estaba paralizado

O PSOE mantén a dobre vara de medir na Operación Orquesta

Sun, 13 Nov 2011 18:51:51 GMT

Oscar Insua, manifestou que “Saímos coas mesmas impresións coas que entramos no pleno.

Corcubión, a 12 de novembro de 2011. O BNG de Corcubión, logo de escoitar as explicacións do alcalde sobre a súa implicación na “operación orquesta” no pleno celebrado esta semana, considera que poucas cousas quedaron claras, xa que afirmou que puido haber erros na tramitación, pero non dixo cales, e confirmou que sabía do mantemento gratuíto dos xardíns municipais, mentres que na declaración xudicial seica o negou. O BNG non vai facer ningún xuízo paralelo sobre este asunto nin vai a sentenciar, porque eso é tarea exclusiva dos xulgados, e dende logo apelamos á presunción de inocencia mentres non haxa sentencias que demostren o contrario.

O BNG solicitará un pleno extraordinario para que o alcalde dé contas sobre a suá imputación

Wed, 02 Nov 2011 20:18:22 GMT

Oscar Insua declarou que “facemos un acto de responsabilidade política a prol da transparencia e do dereito á información que teñen os cidadáns, pois un non pode calar cando ten cargos públicos, e parece que eso é o que está pasando en Corcubión”

Corcubión, a 2 de novembro de 2011. Xa vai unha semana dende que o alcalde declarou como imputado na investigación por corrupción nos xulgados de Corcubión, e a corporación municipal, a cal representa, non recibiu ningún tipo de explicación sobre a súa imputación polos presuntos delitos de prevaricación e tráfico de influencias

O Concello ocultou dúas multas de 45000 euros durante meses

Sun, 30 Oct 2011 10:42:51 GMT

Oscar Insua: “Corcubión ten que saber que este alcalde nos sae moi caro”

Corcubión, a 28 de Outubro de 2011. O goberno municipal de Corcubión ocultou dúas multas que suman 45.000€ impostas pola Secretaría de Estado de telecomunicacións e para a sociedade da información, por unha infracción administrativa de carácter grave ligada a falla de autorización administrativa do radioenlace da Radio Neria. A sanción notificouselle ao concello o 6 de maio de 2011, polo que o BNG entende que o alcalde evitou darlle publicidade antes das eleccións municipais.

O BNG quere que se estude a responsabilidade personal do alcalde na sanción da Inspección de Traballo

Thu, 20 Oct 2011 17:40:52 GMT

Corcubión 20 de Outubro do 2011. O grupo municipal do BNG de Corcubión, solicitará na corporación municipal que se estudie a posíbel responsabilidade persoal do alcalde, no expediente polo que Inspección de traballo impuxo unha sanción de 15.000€ ao concello, por feitos tipicados e calificados como moi graves. O organismo da Consellería de traballo considera no seu informe que o concello alterou sustancialmente as condicións de traballo do empregado, ademáis de acosalo, menoscabando a súa reputación personal ao facer públicidade con manifestación públicas

A Garderería Municicipal, prioridade do BNG para o POS 2012

Wed, 19 Oct 2011 17:54:07 GMT

Corcubión 20 de Outubro do 2011. O Grupo municipal de Corcubión, presentará unha iniciativa para que os fondos do Plan de Obras e Servizos do vindeiro ano se destinen a mellorar as instalacións da escola infantil de Corcubión, a primeira gardería pública de Galiza e da comarca. O BNG corcubionés pretende que os preto de 75.000 € deste plan se destinen a paliar unha demanda dos pais e das nais do noso concello, polo que propoñerá investir eses cartos no centro infantil.

O alcalde empeñase en especular en plena época de crise

Tue, 06 Sep 2011 16:56:43 GMT

Corcubion 3 de setembro de 2011. Estes días, o goberno municial de Corcubión anunciou o inicio das obras de saneamento na zona de fonte vilar e na zona do albergue en San Roque. Trátase da execución do plan de infraestructutas de Medio Rural do ano 2010 que ten un orzamento de arredor dos 73.000 €. O mesmo plan no ano 2009 dedicouse a mesma actuación, polo que xuntos sumaron un investimento de máis de 140.000€.

O alcalde ocúltanos as contas reais do concello

Fri, 05 Aug 2011 18:33:21 GMT

Corcubión a 4 de Agosto do 2011. O BNG anunciou no pleno de organización, celebrado o día 7 de xullo, que ía solicitar información sobre o estado económico e financiero das arcas do concello. A día de hoxe o BNG só accedeu as facturas pendentes de pagar do que vai de ano 2011, que ascenden a preto dos 140.000€. Sen embargo, o Alcalde non nos informou sobre as débedas do ano pasado que seguen sen pagar, nin sobre o estado actual das contas bancarias, nin sobre a situación actual dos préstamos municipais, nin sobre a liquidación do ano pasado (só sabemos que é negativa por boca del mesmo). En definitiva, o BNG de Corcubión segue sen ter a información solicitada, polo que en vista da actitude ocultista do Alcalde, solicitaremos un informe a Secretaría-Intervención, para que nos analise polo miúdo a situación das contas municipais, ao amparo da normativa local.

O BNG aprobou o proxecto do saneamento no pleno de hoxe

Fri, 20 May 2011 12:01:59 GMT

OSCAR INSUA, ALEGROUSE DE QUE O ALCALDE RECTIFICARA E SE COMPROMETERA A FALAR COS VECIÑOS

Corcubión 20 de Maio do 2011. Hoxe celebrouse o pleno extraordinario para aprobar o proxecto da 2ª fase de saneamento no pobo de Corcubión. O BNG repetiulle ao alcalde que non lle parecía moi ético convocar tantos plenos na campaña electoral e que era unha falla de respecto aos veciños, porque estos están decidindo o seu voto. No debate, o alcalde contradixose ao manifestado no pleno anterior, xa que hoxe puxo en dúbida o financiamento do proxecto por parte da Xunta, e afirmou que non era un asunto de mero trámite, cando así o dixera a semana pasada, para evitar convocar un pleno a vindeira semana co goberno en funcións.

O BNG presenta o seu programa electoral

Wed, 18 May 2011 08:48:36 GMT

Corcubión a 18 de Maio do 2011. Hoxe o BNG presenta o seu programa electoral de cara as vindeiras eleccións do 22 de Maio.

O solar do cine ampliará a plaza de Castelao, tal e como demandou o BNG

Tue, 17 May 2011 14:39:47 GMT

Corcubión a 17 de Maio do 2011. Este mércores o pleno da corporación municipal, aprobará definitivamente a modificación da ficha do solar do antigo cine de Corcubión, para ampliar a praza Castelao e obter un espazo para equipamentos no baixo da parcela. Deste xeito quedará zanxada unha demanda histórica do pobo de Corcubión, gracias ao BNG, que foi o que demandou o inicio do expediente para que o solar volvera a ser público no pleno extraordinario do 15 de xullo de 2008, xunto cos terreos do cruceiro do antigo hotel “el hórreo”. O BNG vai apoiar esta modificación da ficha porque o beneficiado é o pobo de Corcubión.