Novas BNG Concello A Coruña

De xeito ilegal, o Goberno local impídelle ao BNG ver o expediente administrativo relativo ás catas arqueolóxicas da Mariña

Tue, 15 May 2012 08:22:47 GMT

A Coruña, 14 de maio de 2012.- O Grupo Municipal do BNG informa de que o Goberno local, de xeito ilegal, impediulle o acceso ao expediente administrativo sobre as catas arqueolóxicas na avenida da Mariña. O portavoz nacionalista, Xosé Manuel Carril, que se pregunta que quererá ocultar o PP con esta decisión, solicitou o 5 de maio o acceso ao expediente no exercicio do seu labor como concelleiro. Vencido o prazo de cinco días naturais sen obter resposta, o portavoz do BNG tiña dereito a ver o expediente por silecio administrativo. O silencio administrativo "tiene a todos los efectos la consideración de acto administrativo finalizador del procedimiento" (art. 43.2 Lei 30/1992). A resolución posterior só pode ser confirmatorio do mesmo (art. 43.3), mais o silencio produce efectos desde 5 días naturais despois de solicitar o acceso. E así o confirma o ROM do Concello da Coruña e o Real Decreto 2568/1986, como se pode comprobar.

O BNG reclámalle ao Goberno local melloras no barrio dos Castros

Tue, 15 May 2012 08:15:06 GMT

A Coruña, 14 de maio de 2012.- O Grupo Municipal do BNG rexistrou unha batería de preguntas para a súa resposta escrita na que se interesa polo estado do barrio dos Castros, facéndose así eco das demandas dos habitantes da zona. Nunha das iniciativas, o concelleiro Xan Caxigal pídelle axilidade ao Goberno local para acometer unha serie de melloras como repor o mobiliario e as arquetas deterioradas da rúa poeta Trigo Figueroa, arranxar a calzada e as beirarrúas en mal estado na rúa Lourenzo Mediante ou os buratos na calzada na avenida de Oza.

O PP rexeita dotar de máis orzamento a conexión ferroviaria co porto exterior

Tue, 15 May 2012 08:10:45 GMT

A Coruña, 14 de maio de 2012.- O BNG da Coruña critica que o Goberno central rexeitara en Comisión a emenda de 8,3 millóns de euros presentada polo deputado e candidato nacionalista á Xunta de Galiza, Francisco Jorquera, para corrixir os ridículos 233.000 euros que o PP destinou a un novo estudo informativo sobre as conexións ferroviarias do porto exterior. É por iso que o Grupo Municipal do BNG denuncia a falta de compromiso do Sr. Negreira con esta infraestrutura fundamental para sacar do porto da cidade os graneis e para evitar os efectos nocivos provocados polas substancias contaminantes camiño de Punta Langosteira.

O BNG aposta por manter unha clara liña de separación entre poderes públicos e a Igrexa

Tue, 15 May 2012 08:07:46 GMT

A Coruña, 13 de maio de 2012.- Os concelleiros e concelleiras do BNG non participarán hoxe no acto da función do voto, como tampouco participaron nos actos relixiosos do Día do Rosario. E é que os nacionalistas salientan que a aconfesionalidade do Estado español debe implicar a súa neutralidade. Así, afirman que os poderes públicos deben respectar as crenzas e as celebracións relixiosas da cidadanía, pero non poden participar nelas para garantir o principio de igualdade.

O Goberno local renuncia a celebrar unha nova edición da festa Achegarte

Mon, 14 May 2012 07:58:41 GMT

A Coruña, 13 de maio de 2012.- Na resposta a unha pregunta escrita formulada pola concelleira nacionalista María Xosé Bravo, o Goberno local admite a súa renuncia a celebrar a terceira edición do Achegarte, unha cita que nas anteriores edicións acollera máis de 40.000 visitantes.

Valencia denuncia que o PP desmantelou un mercado de troco na cidade precisamente o día do comercio xusto

Mon, 14 May 2012 07:56:52 GMT

A Coruña, 12 de maio de 2012.- A concelleira do BNG Ermitas Valencia denuncia que o PP lle ordenou á policía local desmantelar un mercado de troco que estaba tendo lugar esta mañá na Agra do Orzán. A nacionalista, que se fai eco da suposta actitude intimidatoria dos axentes segundo lle transmitiron os veciños e veciñas do barrio, levará ao Pleno unha iniciativa para denunciar este feito.

O BNG denuncia que o Concello pagará xuros desorbitados polo endebedamento ao que o PP someteu A Coruña malia o superávit de 3,8 millóns

Mon, 14 May 2012 08:13:52 GMT

A Coruña, 12 de maio de 2012.- O Grupo Municipal do BNG denuncia o disparate dos xuros desorbitados aos que terá que facer fronte a cidadanía consecuencia do endebedamento ao que o PP someteu innecesariamente o Concello da Coruña. Ao principio, falábase dun crédito ao 5,5 por cento, que custaría 2,73 millóns de euros en xuros, e agora xa partimos do 6,02 por cento, cifra que podería incrementarse ao 7 por cento.

O BNG pídelle á Xunta de Galiza medidas que melloren as garantías das persoas propietarias de vivendas non rematadas

Mon, 14 May 2012 07:53:11 GMT

A Coruña, 12 de maio de 2012.- A deputada coruñesa Ana Luísa Bouza vén de presentar no Parlamento galego unha serie de preguntas relativas á adopción de medidas que leven a garantir os dereitos das persoas propietarias de vivendas non rematadas, caso dos afectados do Residencial Finisterre, aos que non lles foron entregados os inmobles logo de que a promotora entrara en concurso de acredores. Esta iniciativa dos nacionalistas súmase á proposición non de lei rexistrada no Congreso dos Deputados a instancias dos propietarios deste edificio da Moura, cos que o Grupo Municipal da Coruña se puxo en contacto.

O BNG acusa o PP de querer enganar a cidadanía, xa que, lonxe de haber déficit, o Concello ten un superávit de 3,8 millóns

Sat, 12 May 2012 08:02:07 GMT

A Coruña, 11 de maio de 2012.- Lonxe do déficit orzamentario que o PP lle atribúe ao anterior Goberno local, os nacionalistas revelan que, tal e como amosa o informe do interventor ao que puideron ter acceso a raíz do Pleno ordinario deste mes, existe no Concello un superávit de 3,87 millóns de euros. Esta cifra confirma que, tal e como viña insistindo o Grupo Municipal do BNG, non era necesario nin o endebedamento nin o plan de axuste ao que o Goberno do Sr. Negreira someteu A Coruña.

Carril achégalle ao alcalde información de xurisprudencia para que o Goberno local estabeleza medidas de seguridade das antenas de telefonía móbil a colexios, hospitais ou zonas verdes

Sat, 12 May 2012 07:57:00 GMT

A Coruña, 11 de maio de 2012.- O portavoz do Grupo Municipal do BNG, Xosé Manuel Carril, vén de achegarlle ao alcalde da Coruña información de xurisprudencia do Tribunal Supremo e o informe SATI da Federación Española de Municipios e Provincias (FEMP) para que o Goberno local teña en conta esta documentación e actúe en consecuencia.

O BNG advirte do risco de privatización no servizo de determinadas liñas ferroviarias, como o da Coruña-Ferrol, ou o da Coruña-Monforte

Sat, 12 May 2012 08:11:32 GMT

A Coruña, 11 de maio de 2012.- O portavoz do Grupo Municipal do BNG, Xosé Manuel Carril, mantivo esta mañá unha reunión de traballo co sindicato federal ferroviario da CGT na Coruña en que falaron da necesidade de dotármonos dun bo servizo de proximidade coa comarca e coa área metropolitana. Ademais, entre outros asuntos, tratouse a falta de investimentos, como reflicten as ridículas partidas destinadas nos orzamentos xerais do Estado, tanto no que ten a ver cos servizos de proximidade como no que atinxe á conexión ferroviaria do Porto exterior. Precisamente, os nacionalistas, a través de Francisco Jorquera, presentaron emendas para corrixir estas deficiencias orzamentarias, mais esta semana foron rexeitadas polo PP nos debates en comisión.

No Parrote. os únicos que poñen paus na roda, precisamente á legalidade e ao erario público, son o Goberno local e a Autoridade Portuaria

Fri, 11 May 2012 08:29:51 GMT

A Coruña, 10 de maio de 2012.- O Grupo Municipal do BNG salienta que o único que queren os nacionalistas é que o buraco do Parrote se resolva conforme á legalidade (de aí as alegacións presentadas polo BNG) e sen suporlle ningún custo económico á cidadanía. Por iso, o BNG rexeita que o Goberno local agasalle a Copasa con 14 millóns de euros e insiste en que as obras deberían ir por conta da empresa.

O BNG traballará para que o Goberno local estabeleza distancias de seguridade das antenas de telefonía ás zonas sensíbeis (escolas, hospitais, zonas verdes...)

Fri, 11 May 2012 08:28:08 GMT

A Coruña, 10 de maio de 2012.- O Grupo Municipal do BNG anuncia que os nacionalistas emprenderán unha campaña para que o Goberno local traballe por estabelecer distancias de seguridade das antenas de telefonía ás zonas sensíbeis (colexios, hospitais, zonas verdes públicas), na medida en que o Concello ten as competencias. Así o confirman a xurisprudencia do Tribunal Supremo e a propia Federación Española de Municipios e Provincias (FEMP), tal como se desprende do informe de xuño de 2011 do Servicio de Asesoramiento Técnico e Información (SATI), denominado «El cambio de orientación de la jurisprudencia del Tribunal Supremo respecto a las competencias locales en materia de emisiones radioeléctricas, a partir de la sentencia del Tribunal Supremo de 17 de noviembre de 2009» (que se achega con esta nota).

O BNG advirte de que a promoción da economía e do emprego non se autofinancia

Fri, 11 May 2012 08:25:57 GMT

A Coruña, 10 de maio de 2012.- O Grupo Municipal do BNG lembra que Expocoruña naceu coa idea de apoiar o tecido comercial da Coruña, como un escaparate económico da cidade e da comarcal, que puider mesmo atraer visitantes doutros lugares con eventos a nivel galego e estatal. Porén, os nacionalistas advirten de que a función de apoio ao tecido económico non tería lugar se o PP privatiza este espazo. Nesta liña, manteñen que a promoción da economía e do emprego non se autofinancia e apostan por que o Goberno local aproveite as potencialidades dun espazo que serviría para reactivar a economía e os sectores estratéxicos da cidade.

O BNG explicará nun acto as claves da estafa bancaria das participacións preferentes

Fri, 11 May 2012 08:24:16 GMT

A Coruña, 10 de maio de 2012.- O BNG da Coruña explicará mañá nun acto informativo as claves da estafa bancaria das preferentes, que lle afecta a máis de 100.000 persoas que teñen 900 millóns de euros inmobilizados. Aberta a todas as persoas interesadas, nomeadamente ás persoas prexudicadas, a charla, impartida polo portavoz do BNG no Concello da Coruña, Xosé Manuel Carril, e polo parlamentar Carlos Aymerich, terá lugar ás 20 horas no local da Asociación Cultural Alexandre Bóveda (r/Olmos 16).

O BNG denuncia que a Concellaría de Emprego e Turismo discrimina o galego

Fri, 11 May 2012 08:23:07 GMT

A Coruña, 10 de maio de 2012.- O Grupo Municipal do BNG presentou dúas preguntas para a súa resposta escrita na que denuncian a discriminación que sofre o galego na área da Sra. Cid. Nunha das iniciativas, a nacionalista Ermitas Valencia pon de manifesto que A Mesa pola Normalización Lingüística se dirixiu en dúas ocasións a Cid para se interesar polas razóns que a levaron a excluír o galego da campaña de promoción dos mercados municipais "Entra y peca" e dos vinilos ornamentais para os baixos comerciais fechados e en aluguer en distintos espazos da cidade.

Caxigal denuncia que o Goberno local ten inutilizado Expocoruña

Fri, 11 May 2012 08:21:18 GMT

A Coruña, 9 de maio de 2012.- O concelleiro nacionalista Xan Caxigal denuncia a pasividade do PP en Expocoruña, recinto que non acolleu ningunha actividade desde que o Goberno local decidiu substituír a persoa encargada da xerencia. "Nin sequera hai proxectada ningunha iniciativa para os vindeiros meses", advirte. Caxigal, que critica a forma escurantista coa que o PP situou á fronte de Expocoruña o novo xerente, pon de manifesto que o Goberno local está a desaproveitar as potencialidades dun espazo que, máxime en tempo de crise, podería ser aproveitado para reactivar a economía da cidade e da comarca a través da celebración periódica de certames, feiras, exposicións, congresos...

O BNG e Galiza Nova amosan o seu apoio á folga estudantil contra os recortes do PP no ensino publico

Fri, 11 May 2012 08:19:20 GMT

A Coruña, 9 de maio de 2012.- O BNG e Galiza Nova da Coruña amosan o seu apoio á folga estudantil de mañá contra os recortes do PP no ensino público, uns retallamentos sen predecentes que hipotecan o futuro das próximas xeracións.

O BNG convoca un acto sobre a estafa das participacións preferentes este venres

Fri, 11 May 2012 08:18:08 GMT

A Coruña, 9 de maio de 2012.- O BNG da Coruña organiza para este venres ás 20h no local da Asociación Cultural Alexandre Bóveda (r/Olmos 16) un acto informativo destinado ás persoas afectadas pola estafa das preferentes, que contará coa presenza portavoz nacionalista no Concello da Coruña, Xosé Manuel Carril, e co parlamentar Carlos Aymerich.

O BNG participa na concentración contra os recortes do PP no ensino público

Fri, 11 May 2012 08:16:01 GMT

A Coruña, 8 de maio de 2012.- O BNG participará hoxe, representado por cargos institucionais, orgánicos e militancia, na concentración convocada pola Plataforma Galega en Defensa do Ensino Público ás 19.30 na Praza de Pontevedra co fin de evitar a aplicación en Galiza do Real Decreto-Lei 14/2012 de medidas urxentes de racionalización do gasto público no ámbito educativo.