comarca
Bergantiños

Segue @obloque

Balance do traballo do BNG no Congreso e no Senado na anterior lexislatura

Evencio destacou o traballo dos Deputados e Senador do BNG nas Cortes Xerais tanto na defensa dos intereses de Galicia como dos de Carballo...

Carballo, 18-10-2011.  A ubicación do acto resposta a que o BNG quere estar unha vez máis do lado dos cidadáns e en contacto con eles. Evencio destacou o traballo dos Deputados e Senador do BNG nas Cortes Xerais tanto na defensa dos intereses de Galicia como dos de Carballo en particular. Carballo, ata de agora, nunca tivo a a oportunidade de realizar un balance tan positivo como o da lexislatura anterior e iso foi grazas ás xestións levabas a cabo polos parlamentarios do BNG onde lograron importantes investimentos debido a súa capacidade negociadora: 1, 8 millóns de euros para o edificio do Mercado municipal; 1,5 millóns de euros para a Biblioteca comarcal e medio millón de euros para continuar humanizando as rúas do contorno do Mercado (Desiderio Varela e Gran Vía).

Francisco Jorquera lembrou as iniciativas sociais que o BNG realizou nas Cortes xerais para que a crise económica afectara o menos posible a quen menos ten, aínda que sempre se encontrou co rexeitamento frontal do PSOE e do PP. O BNG sempre defendeu unha saída social a crise e pediuse un maior esforzo fiscal a quen máis ten, ademais de apostar por unha banca pública que evitase o espolio do aforro galego tal e como esta a acontecer actualmente coa bancarización das Caixas galegas. O BNG tamén solicitou a reforma hipotecaria para selar a débeda coa entrega da vivenda, mais tamén foi rexeitada de novo polos dous partidos estatais.

Francisco Jorquera lembrou as iniciativas sociais que o BNG realizou nas Cortes xerais para que a crise económica afectara o menos posible a quen menos ten...

O mesmo ocorreu coa iniciativa de supresión das Deputacións provinciais que volveron a rexeitar e actualmente está novamente no debate político. Tamén avogou polo supresión de certos ministerios que teñen transferidas as súas competencias ás Comunidades autónomas ( Sanidade, Medio Ambiente, Educación, …) e co recorte de gastos noutros ( Defensa) co que se aforrarían 8000 millóns de euros.

Nestes anos, e grazas ao traballo do BNG, Galicia tivo voz e voto no Congreso e no Senado en temas cruciais para a defensa dos sectores produtivos e económicos do Pais ( naval, pesca, agro, comercio, …). Jorquera sinalou a necesidade de que Galicia continúe mantendo o 8% de participación nos investimentos dos Presupostos xerais do Estado para continuar compensando os desaxustes territoriais existentes con respecto a outros zonas do Estado ( dispersión da poboación, envellecemento, …).

 

---