comarca
Bergantiños

Segue @obloque

Moita xente acudiu á entrega dos Premios Patria e Lingua 2001

Empresas galardoadas co Premios Patria e Lingua 2011

 

21/07/2011. O BNG de Bergantiños recoñeceu, un ano máis, o traballo de empresas da comarca que fan un uso consciente e normalizado do idioma galego na súa actividade empresarial.

O auditorio do Pazo da Cultura encheuse para aplaudir a estas catro iniciativas emprendedoras comprometidas co idioma e para escoitar as intervencións políticas deste acto enmarcado nas vésperas do Día da Patria.

Carme Adán, Vitor Recarei, portavoces municipais do BNG, representantes das empresas galardoadas en anos anteriores e galardoados cos Premios Patria e Lingua 2011

Vítor Recarei, responsábel comarcal do BNG de Bergantiños, chamou precisamente á mobilización arredor do 25 de xullo, Día da Patria, e aludiu na súa intervención ao lema do BNG: democracia, soberanía e traballo.

Carme Adán, deputada do BNG, agradou cun discurso moi emotivo que estivo salpicado de continuas citas de Alfonso Daniel Rodríguez Castelao, de quen este ano se cumpre o 125 aniversario do seu nacemento.

O BNG, por medio dos seus portavoces municipais, así como representantes das empresas galardoadas en anos anteriores, fixeron entrega dos Premios Patria e Lingua 2011, que desta volta recaeron en A Ventana Café (Laxe) ,  Perruquería Monse Añón (A Laracha) ,  A tenda dos libros (Ponteceso)  e   Moda Infantil Lúa (Carballo).

Vista do acto durante a intervención de Carme Adán

Os premiados/as recibiron como obsequio unha figura de barro de Buño (da oleira Carmen Isabel, premiada tamén nunha das primeiras edicións) que contén unha autocaricatura de Alfonso Daniel Rodríguez Castelao.

 

---