Entrega dos Premios Patria e Lingua 2011
O BNG de Bergantiños, un ano máis, quere recoñecer o traballo de empresas da nosa comarca que se distinguen por un uso normalizado da nosa lingua.
Este ano as empresas agasalladas son catro:
A Ventana Café (Laxe)
A Tenda dos Libros (Ponteceso)
Perruquería Monse Añón (A Laracha)
Lúa (Carballo)
O BNG faralles entrega dun agasallo conmemorativo nun acto público que terá lugar este mércores, 20 de xullo, ás 21 horas, no Pazo da Cultura de Carballo, ao que convidamos a asistir a todas as persoas que apreciedes a nosa lingua e que lle desexedes, coma nós, mil primaveras máis. Este ano contaremos, ademais, coa presenza da deputada Carme Adán.
Estades, pois, convidados/as.
