O BNG consegue que Laxe teña auditoría das súas contas e coñeza a situación real do seu concello
Xosé Manuel Pose, portavoz municipal do BNG de Laxe
Froito desas conversas e da posición decisiva do BNG no salón de plenos, o alcalde da localidade viuse obrigado a dar cumprimento a unha das condicións fundamentais que o grupo local do BNG puxo enriba da mesa, como xa anunciara durante a campaña electoral: a realización dunha auditoría das contas municipais.
O alcalde de Laxe vén de solicitar oficialmente, tanto do Consello de Contas como da Deputación da Coruña, a realización dun estudo da situación actual das finanzas do municipio, para coñecer a canto ascende realmente a débeda e cales son as posíbeis solucións á parálise na que se atopa o Concello de Laxe.
" o BNG fará un seguimento minucioso da auditoría "O BNG móstrase satisfeito deste primeiro paso adiante, pero seguirá firme até coñecer a realidade da situación do Concello. A auditoría das contas precisará da colaboración do goberno municipal e dos servizos administrativos, e o BNG fará un seguimento minucioso da auditoría para garantir que nel se coñezan todos e cada un dos datos económicos do Concello de Laxe.
