Pregunta sobre a inauguración do Centro de Día da Laracha
O pasado venres a Conselleira de Traballo e Benestar, Beatriz Mato, visitou o noso concello para inaugurar o Centro de Día da Laracha. Por certo, Centro de Día aprobado e orzamentado polo anterior goberno bipartito e do que o Partido Popular o único que fixo foi privatizar a súa xestión.
Ben, pois resulta que non se convidou a toda a Corporación a esta inauguración. Os membros dos grupos da oposición non fomos convidados, pero si o Partido Popular de Carballo.
Para o BNG, o PP está a facer un uso partidista das institucións, actuando como se fosen da súa propiedade, do Partido Popular. A falta de respecto deste goberno municipal do PP cos grupos da oposición e cos vecinos e veciñas da Laracha é, desde o noso punto de vista, absolutamente lamentable.
Por todo isto, o Grupo Municipal do BNG da Laracha formula as seguintes PREGUNTAS:
Por que motivo non se convidou a este acto a todos os membros da Corporación da Laracha, e si a membros do Partido Popular de Carballo? Foi unha visita institucional a que fixo a Conselleira para inaugurar o Centro de Día ou foi unha reunión con militantes do Partido Popular? Que pintaban os membros do PP de Carballo nesa inauguración?
