Pregunta sobre o Cemiterio de Lestón
Carolina Castiñeiras Brandón, concelleira do Grupo Municipal do BNG no Concello da Laracha, ao abeiro do Regulamento de Organización e Funcionamento das Entidades Locais, presenta para a súa contestación no vindeiro Pleno Ordinario da Corporación, a seguinte PREGUNTA:
EXPOSICIÓN:
A parroquia de Lestón, co seu núcleo urbano en Paiosaco, é o 2º máis importante en número de habitantes e pouco a pouco continua a medrar como se reflicte no Padrón. Pero a veciñanza atópase con problemas incluso á hora de “deixar este mundo”; xa que a dispoñibilidade de nichos no cemiterio parroquial de Lestón é insuficiente, tanto que moitas familias non tiveron oportunidade de mercar; e non só familias recén instaladas na parroquia senón tamén outras de varias xeracións que sempre viviron alí.
O camposanto foi ampliado nos anos 80 pero namentres que algúns veciños mercaron para varias xeracións, outros non chegaron a tempo e agora ven con preocupación como de non cambiar esta situación terán que mercar fóra de Lestón.
Por todo isto formulamos a seguintes PREGUNTAS:
Cal é a posición do Goberno Municipal a respeito deste tema? Pensan adoptar algunha medida para mellorar esta situación e que as veciñas e os veciños da parroquia de Lestón poidan dispór de nichos suficientes?
A Laracha 19 de maio de 2.008
Asdo: Carolina Castiñeiras Brandón
Concelleira do Grupo Municipal do BNG
