O BNG denuncia un verquido de escombros nunha pista da "Gándara", en Torás
Xoán Manoel Sande Muñiz, Portavoz do Grupo Municipal do BNG da Laracha, ao abeiro do Regulamento de Organización e Funcionamento das Entidades Locais, formula o seguinte ROGO:
Na estrada que vai desde a Gándara cara a Padronelo, á altura da pista que vén desde a estrada Comarcal 552 (a pista que vai pegada á explanada, e que sae da estrada xusto onde hai un dos paneis para a colocación de carteis), hai un camiño que sae xusto enfronte a esta pista (cruzando a devandita estrada da Gándara cara a Padronelo) no que algún desaprensivo estivo a botar cantidades importantes de escombro, ao longo do camiño, a partir duns 200 metros desde onde empeza o mesmo.
É por isto que SOLICITAMOS:
Que se adopten as medidas oportunas para eliminar este verquido de escombros do camiño mencionado.
A Laracha, 20 de xullo de 2010
Asdo.: Xoán M. Sande Muñiz,
Portavoz do Grupo Municipal do BNG
