Moción de rexeitamento do ERE da empresa CARAMELO
Carolina Castiñeiras Brandón, Concelleira do Grupo Municipal do BNG da Laracha, ao abeiro do Regulamento de Organización e Funcionamento das Entidades Locais, presenta, para o seu debate na vindeira sesión plenaria ordinaria, a seguinte MOCIÓN:
EXPOSICIÓN DE MOTIVOS:
En decembro de
O pasado día 8 de maio, a direción da empresa formalizou a presentación dun ERE que contempla o despedimento de 237 traballadores e traballadoras no centro de produción que a empresa ten na Coruña e a desregularización das actuais condicións laborais do plantel restante a través da flexibilidade horaria e da mobilidade funcional.
Este ERE non conta co acordo da representación das e dos traballadores e traballadoras, que veñen realizando diversas mobilizacións en demanda dun acordo para acadar a mellor solución aos problemas da empresa e denunciando un ERE vinculado claramente a esa estratexia de deslocalización da produción.
A marca CARAMELO ten sido até o de agora un referente de confeción galega de calidade e fonte de emprego industrial, fundamentalmente de emprego feminino. A xeración de emprego non foi só de xeito directo, tamén afectou aos pequenos talleres espallados pola comarca que traballaban para a factoría principal instalada no Polígono de Agrela. A deslocalización da empresa pode chegar a afectar en total máis de 1000 persoas.
O goberno galego mantén unha participación pública no accionariado da empresa cun 7,5% a través de SODIGA e polo tanto ten, como socio-accionista que é, a capacidade e a obriga de intervir directamente nas decisións desta. Por outra banda non é tampouco un segredo que a empresa ten recibido importantes axudas do Goberno Galego co obxectivo de frear a perda de emprego.
Por todo isto o BNG solicita a adopción dos seguintes ACORDOS:
1. Instar ao Goberno Galego a non informar favorablemente o ERE presentado.
2. Instar ao Goberno Galego a se opor ás medidas de deslocalización da produción e desregulación de emprego inciadas pola empresa.
A Laracha, 27 de xuño de 2009
Asdo. Carolina Castiñeiras Brandón
Concelleira do Grupo Municipal do BNG
