Novas BNG Concello A Estrada

Dirixir os plenos é responsabilidade do Alcalde

Wed, 09 May 2012 19:42:46 GMT

O Consello Local considerou que o Regulamento de organización, funcionamento e réxime xurídico das Entidades Locais, é un instrumento legal máis que suficiente para ordenar o funcionamento das sesións plenarios

O Consello Local do BNG considera que construír un campo de fútbol non é o que necesitamos para saírmos da crise. O BNG pídelle ao Alcalde que convoque o Consello Económico e Social para consensuar co tecido socio-económico cales son as prioridades do noso Concello para saírmos da crise, e traballar por elas.

O novo campo de fútbol que quere construír o Alcalde empeza a pasarnos factura

Tue, 08 May 2012 09:27:13 GMT

“Grazas as penosas negociacións do noso Alcalde agora os estradenses teremos que asumir o custe eléctrico das instalacións da piscina, uns 3.000 euros ao mes”

O Consello Local do BNG da Estrada prepara un regulamento para as intervencións plenarias do Concello

Tue, 08 May 2012 09:17:55 GMT

A finalidade deste documento é regular os tempos das intervencións dos distintos partidos políticos con representación municipal coa finalidade de que todos teñan voz, e evitar espectáculos lamentábeis, como o presenciado na última sesión plenaria, con continuas reiteracións dos contidos, interrupcións, longas intervencións, etc, das que participa activamente o propio Alcalde, o responsábel de presidir e dirixir os plenos.

O PP impide que A Estrada conte cunha nova gardería pública ao non licitar a Cidade do Móbel

Sun, 06 May 2012 13:04:55 GMT

“O Alcalde debería saber que A Estrada pode ter unha nova gardería pública, o Sr. López só ten que chamar a Feijóo e dicirlle que licite dunha vez a Cidade do Móbel, xa que alí está prevista a construción dunha gardería pública”

O goberno municipal de José López é o goberno da improvisación e do despilfarro

Sat, 05 May 2012 14:23:39 GMT

“Se a Xunta e o PP local aceptara a proposta do BNG para a autovía Santiago-A Estrada, agora non habería que facer este apaño para dar saída aos vehículos pesados do polígono de Toedo”

O centro ictioxénico de Couso languidece ante a total pasividade da Xunta

Mon, 23 Apr 2012 12:28:22 GMT

“agardemos que esta sexa a última vez que denunciamos o desleixo do PP neste asunto, e vexamos a pleno rendemento este centro que servirá para repoboar os noso ríos, cousa que parece que non lle importa ao PP”

O PP renuncia a executar a Variante da Estrada

Tue, 03 Apr 2012 16:08:09 GMT

O Bloque Nacionalista Galego da Estrada pídelle ao Alcalde, o Sr. López Campos, que exerza de Alcalde, que deixe de lado as maquetas e as presentacións multimedia de proxectos que nunca se sabe cando se van a executar, e que concrete datas e cifras da Variante da Estrada, do PXOM, da Cidade do Móbel, do arranxo da estrada Portela-Souto de Vea, do centro de día, ... e de tantos outros proxectos necesarios para revitalizar economicamente o noso concello e incrementar o benestar dos nosos veciños e veciñas

Necesitamos unha Cidade do Móbel, necesitamos o PXOM, necesitamos un centro de día, necesitamos un novo centro de saúde... o novo campo de fútbol pode agardar!

Thu, 29 Mar 2012 08:45:55 GMT

Xosé Magariños: “na Baiuca, non hai moitos meses, gastouse unha cantidade importante de diñeiro do Plan E en mellorar as súas infraestruturas, e non están os temos para tirar cos cartos”

Tod@s contra a reforma laboral

Fri, 09 Mar 2012 15:39:02 GMT

O Consello Local do BNG da Estrada fai un chamamento a todos os veciños e veciñas da Estrada a secundar a concentración convocada pola CIG este sábado, ás 20 horas, diante do concello, contra a reforma laboral aprobada polo Partido Popular, unha reforma que non creará emprego e que afundirá máis aínda a economía local e a economía galega que conta xa 271.284 parados/as, unha cifra record do goberno de Feijóo, 2.237 deles no noso concello

A reforma laboral do PP será demoledora para os dereitos dos traballadores e traballadoras

Fri, 09 Mar 2012 15:27:01 GMT

A reforma laboral imposta de xeito unilateral polo Goberno central do PP terá un impacto negativo nas condicións de traballo e económicas das persoas traballadoras neste concello

O BNG fará unha campaña activa en contra desta reforma e a prol da folga xeral convocada pola CIG para o día 29 de marzo. O martes 6 de marzo o BNG convoca unha charla-coloquio sobre a reforma laboral na que contaremos coas intervencións de Xosé Magariños (concelleiro), Rafael Iglesias (secretario comarcal da CIG Pontevedra) e Xavier Vence (economista e membro do Consello Nacional do BNG)

O BNG da Estrada renova o seu Consello Local

Mon, 27 Feb 2012 08:58:58 GMT

A candidatura, que se someteu a votación d@s militantes presentes con dereito a voto aprobouse co 95% de votos favorábeis, e sen ningún voto en contra. A responsabilidade orgánica máxima do BNG na Estrada recaerá no Responsábel Local, Xosé Manuel Baños García, veciño de Santo André de Vea, e a Viceresponsábel local, Maribel Ruíz Ferro, veciña de Couso

O PP da Estrada non quere homenaxear a Rosalía de Castro no 175 aniversario do seu nacemento

Fri, 24 Feb 2012 08:38:09 GMT

Xosé Magariños di que “é absolutamente inexplicábel que o PP se negue a homenaxear a Rosalía de Castro, a non ser que a estratexia do Partido Popular sexa enterrar e esquecer a nosa cultura baixo un manto de silencio, cousa que non van a conseguir”

O concelleiro nacionalista pediulle ao PP que “no sucesivo aparque o seu sectarismo ideolóxico contra a cultura galega en xeral e a de Rosalía en particular, porque a obra de Rosalía de Castro é o noso clásico por excelencia, poeta fundacional da literatura galega contemporánea, e iso o pobo galego e o pobo estradense sábeno e non tolerarán este tipo de actitudes de ninguneo da nosa cultura, que é de todos e todas”

O BNG quere que o pleno do concello rexeite a revogación a lei Saúde Sexual e Reprodutiva e da Interrupción Voluntaria do Embarazo que planea facer o goberno central

Wed, 22 Feb 2012 16:17:38 GMT

Na moción que vén de rexistrar o BNG, co gallo do 8 de marzo, Día Internacional das Mulleres, pide que o concello apoie as manifestacións convocadas para 11 de marzo convocadas polas organizacións feministas actuantes en Galiza

O BNG da Estrada votará en contra dos orzamentos do PP

Mon, 20 Feb 2012 17:21:27 GMT

Este orzamento suporá un incremento moi importante dos impostos, ao tempo que recorta prestancións importantes aos veciños e veciñas da Estrada.

Se o PP recupera a bonificación do IBI, o BNG podería reconsiderar o seu voto negativo, sempre e cando o goberno municipal estea disposto a negociar as partidas que se recortan.

Xosé Magariños esíxelle ao alcalde que suprima chocolatadas e canapés dos actos protocolarios do concello

Thu, 16 Feb 2012 08:24:13 GMT

“Non é de recibo que o Alcalde suba a auga e o IBI en porcentaxes inasumíbeis para moitos dos nosos veciños para gastalo logo en dispendios”

“Os recursos públicos son escasos nun contexto de grave crise económica, e a obriga do goberno municipal en gastalos de xeito que cree emprego, riqueza e benestar no noso pobo, como por exemplo, aprobando e executando dunha vez por todas o PXOM ou incrementando a partida de servizos sociais”

O BNG rexistra unha moción para declarar o 24 de febreiro Día de Rosalía no noso concello

Wed, 08 Feb 2012 15:32:11 GMT

Con esta moción o BNG quere na Estrada se emprenda e apoie a realización de actividades de promoción da obra da nosa escritora que impliquen ao conxunto dos veciños e veciñas do noso concello o 24 de febreiro, no aniversario do nacemento de Rosalía de Castro.

Por outra parte, coa aprobación desta moción o Concello da Estrada tamén se compromete a realizar unha lectura pública da obra rosaliana nun lugar destacado do concello na que o alumnado dos centros escolares, veciños, veciñas e persoas destacadas pola súa actividade cultural teñan o papel protagonista.

O IBI subirá este ano un 100% e un 140% o vindeiro ano a respecto de 2011

Fri, 20 Jan 2012 09:35:50 GMT

O BNG pide a retirada do Real Decreto-Lei 20/2011, de medidas urxentes en materia orzamentaria, que aprobou o PP no mes de decembro, porque supón un incremento espectacular do recibo da contribución deste ano e do vindeiro de 2013, especialmente gravoso para os petos dos veciños e veciñas da Estrada

O BNG ve un disparate colocar antenas de telefonía no campanario da igrexa da Estrada

Thu, 19 Jan 2012 21:54:51 GMT

Xosé Magariños comprende a inquietude e a alarma social que hai nos veciños e veciñas da Praza da Inmaculada, e pídelle ao concello que elabore unha ordenanza para evitar este tipo de desatinos

O BNG da Estrada rexistra unha moción na que se pide unha modificación da orde pola que se diferencie entre cabalo de compañía e équidos destinados á produción

Wed, 18 Jan 2012 09:10:33 GMT

A cría do cabalo de monte como un ben a apoiar e fomentar porque conserva o medio natural e a paisaxe, co conseguinte diminución dos incendios forestais

O BNG pide ao Alcalde da Estrada que a revista Miscelánea estea integramente en galego

Fri, 13 Jan 2012 17:34:37 GMT

As institucións públicas galegas teñen a obriga de potenciar o uso da nosa lingua en todos eidos, e a revista Miscelánea, na que se publican artigos en castelán, non pode ser unha excepción